Popular Bible Verses from Matiyu 24

Share

Kagbani-gbani ka̱ ka̱ra̱Ꞌa̱ ta̱, ka̱ta̱ ka zuwa uma n a̱bunda̱i a̱ ka̱sa̱kpa̱ maciganai. Amma aza a na a gbamai asuvu ali sai uteku, i ta̱ a̱ kuciya̱ wishi.

Ayin a na baci a danai Arabali a Singai† o tsugono tsu Ka̱shile a aduniyan ra̱ka̱, ɗa u kokpo an urotu wi iɗika ra̱ka̱. A ayin a nan lo a ɗa kukotso ka aduniyan ka̱ kuta̱wa̱.

Yi ta̱ a kupana ukuna u kuvon n arabali o kuvon a na i lo a̱ kuta̱wa̱, amma ka̱ta̱ i pana wovon ba. Ili i nam pa yi ta̱ a kuyaꞋan nannai, kafu kukotso ka aduniyan ku ta̱wa̱.

Iɗika i kushilika̱ ta̱ n iɗika i yoku; tsugono kpamu ci ta̱ a̱ kushilika̱ n tsugono ci yoku. I ta̱ a kuyaꞋan ayin a kambulu ka̱ a̱bunda̱i. Iɗika i kuyongo ta̱ a̱ kugba̱ɗa̱sa̱ a̱ ubuta̱ kakau. Ili i nam pa ra̱ka̱ yi ta̱ an ka̱giti ka̱ a̱ga̱nda̱ a limata.

Gaɗi n iɗika yi ta̱ a kulaza, amma kadanshi ka̱ va̱ ki ta̱ o kokpo ko wanai.

Uma n a̱bunda̱i i ta̱ a̱ kuta̱wa̱ n kula ku va̱, i ta̱ a kudana ele ɗa Kishi ka. I ta̱ kpamu a̱ kuya̱nsa̱ uma n a̱bunda̱i.

“Ka̱ta̱ uma a̱ ka̱na̱ ɗa̱, ka̱ta̱ e neke ɗa̱ a̱ ubuta̱ u na a takacika ɗa̱, ka̱ta̱ a una ɗa̱. Uma ra̱ka̱ i ta̱ a kuꞋiwan ɗa̱ adama a na i nekei a̱ɗu nu mpa. Ka̱ta̱ uma n a̱bunda̱i a̱ ka̱sa̱kpa̱ kutono mu. I ta̱ a kuyaꞋan tsurala n itoku i le ka̱ta̱ a iwanai. Eneki a aꞋuwa n a̱bunda̱i i ta̱ a̱ kuta̱wa̱ ka̱ta̱ a zuwa uma n a̱bunda̱i a̱ ushuku n aꞋuwa.

Yesu u danai le, “Ka̱ta̱ i ka̱sa̱kpa̱ vuza u ya̱nsa̱ ɗa̱ ba.

A̱ɗa̱ feu sai i yongo ufoɓushi ayin dem. Adama a na Maku ma Vuma ma kuta̱wa̱ ta̱ ayin a na i zuwai agaꞋin wi a̱ kuta̱wa̱ ba.

“Adama a nan lo yongoi ufoɓushi, adama a na i yeve kanna ka na Vuzagbayin vu ɗa̱ u kubono ba.

“Babu vuza na u yevei kanna ko ayin a, ko alingata a gaɗi, ko Maku a̱ ka̱ci ka̱ ni u yeve ba. Esheku endeꞋen a̱yi ɗa u yevei.

Eneki a aꞋuwa n Ishi a aꞋuwa i ta̱ a̱ kuta̱wa̱, ka̱ta̱ a yaꞋan ili i mereve i gbagbaꞋin. I ta̱ a kudakaka adama a na a̱ ciya̱ uma a na o kutono le, ali n aza a na Ka̱shile ka zagbai, ki baci a kufuɗa kuyaꞋan nannai.

Ayin a na baci Maku ma Vuma mi o kubono, ili yi ta̱ o kokpo tsu na yi a ayin a na Nuhu u yongoi. A ayin a nan lo kafu mini ma na ma lyaꞋi uma, uma i ta̱ a kulyaꞋa n o soꞋi n a yaꞋin yolo uteku u na a ci yaꞋansa ali a kubana kanna ka na Nuhu u uwai a kpantsu. E yeve ili i na yi a̱ kuta̱wa̱ ya cina le ba, sapu mini ma̱ ta̱wa̱i ɗa ma lyaꞋi le ra̱ka̱. Ta u kokpo nannai ayin a na baci Maku ma Vuma mo kubono.