Popular Bible Verses from Luka 3

Share

Ana uma n a̱bunda̱i a yaꞋin kusumbu ka akucina, ɗa a yaꞋankai Yesu feu. A̱yi a kuyaꞋan kavasa, ɗa gaɗi u ɓa̱yuwa̱i. Ɗa Ayinviki a̱ Ka̱shile a̱ cipa̱i wa̱ ni n ikyamba tsu moɗoi. Ɗa ka̱la̱ka̱tsu ku uta̱i gaɗi, ka danai, “Avu ɗa Maku ma̱ va̱ ma na n cigai, mi kpamu a kupana uyoꞋo u nu.”

Yahaya wu ushuki le ra̱ka̱, “N yaꞋanka ɗa̱ ta̱ kusumbu ka akucina m mini. Amma vuza na u laꞋi mu utsura wi ta̱ lo a̱ kuta̱wa̱. Ko ataka a̱ ni mi a kufuɗa kufoɗo ba. Wi ta̱ a kuyaꞋanka ɗa̱ kusumbu ka akucina n Ayinviki a̱ Ka̱shile n akina kpamu.

YaꞋin ili i na i kuyotsongu an i shika̱i unushi† u ɗa̱. Ka̱sa̱kpa̱i kugita̱ kudana, ‘Ibrahim ɗa esheku a̱ tsu.’ N dana ɗa̱, punu a atali a nam pa, Ka̱shile ki ta̱ a kufuɗa kuneke Ibrahim muku.

Kogovu ki ta̱ ɗe ugbatyangi punu a aralu a nɗanga a, adama a na ka gbatya nɗanga n na m kpa̱ɗa̱i kumatsa umaci u singai, ka̱ta̱ a vakangu a akina.”

Uteku u na a ɗanai adama a Yahaya a katagarda ke keneki Ishaya: “Ka̱la̱ka̱tsu e meɗevile e mere mu une, ‘Lapulai uye adama a Vuzagbayin. Bonokoi u ɗa mejege. I ciɗa̱ngu a̱ra̱Ꞌa̱ ra̱ka̱, aginda nu nsasan i sa̱ra̱ le o okpo derere. Uye u na wi n kokondo i bonoko u ɗa mejege. Uye u gbani-gbani wa̱ a̱ga̱vishi u bono u gaꞋan. Ɗaɗa umaci u vuma ra̱ka̱ u kene wishi u Ka̱shile.’ ”