Popular Bible Verses from Yahaya 16

Share

“N dana ɗa̱ ta̱ ili i nam pa adama a na i ciya̱ ma̱ta̱na̱ ma mayun tsu na yi koɓolo nu mpa. Aduniyan i ta̱ a kutakacika ɗa̱. Amma doki utsura wa̱ a̱ɗu! N lyaꞋa ta̱ ɗe utsura wa aduniyan!”

Amma ɗa baci Ayinviki a̱ Ka̱shile a̱ ta̱wa̱i, vuza na wi mayun, wi ta̱ a kuzuwa ɗa̱ i yeve ili i mayun i na yi a̱ kuta̱ u Ka̱shile. Wi a kuyaꞋan kadanshi ki ili i ka̱ci ka̱ ni ba, amma wi ta̱ a kudansa ili i na u panai, wi ta̱ kpamu a kudana ɗa̱ ili i na yi a̱ kuta̱wa̱.

Ali n gogo na ka̱ta̱ i saꞋwa kufolono uteku u nam pa ba. Folonosoi, Ka̱shile ki ta̱ e kuneke ɗa̱ ili i na i folonoi, ka̱ta̱ i ciya̱ i yaꞋan ma̱za̱nga̱ cika.

Amma n dana ɗa̱ ta̱ mayun, u laꞋa ta̱ n kugaꞋan n wala a na ma shamgba. N laza baci, mi ta̱ a̱ kusuꞋuku ɗa̱ n Ka̱ɓa̱nki. N laza baci ba, Ka̱ɓa̱nki ka ka̱ kuta̱wa̱ ba. “Ka̱ɓa̱nki ka ka̱ ta̱wa̱ baci, wi ta̱ o kuyotsongu uma a aduniyan a na i n unushi.† Wi ta̱ a kuzuwa le e yeve ukuna wu usuɓi, ka̱ta̱ kpamu e yeve tsu na Ka̱shile ka̱ kuta̱wa̱ ka̱ kilukpa̱ unushi.

Ta feu ki nannai n a̱ɗa̱. Gogo na yi ta̱ n una̱mgbuka̱tsuma̱ amma mi ta̱ o kudoku me kene ɗa̱, ka̱ta̱ i yaꞋan ma̱za̱nga̱ ali tsu na babu vuza na u kufuɗa kusa̱nka̱ ɗa̱ kuyaꞋan ma̱za̱nga̱. Ayin a nan lo a yawa baci, yi o kudoku ye kece mu ili ba. N dana ɗa̱ mayun, Dada wi ta̱ e kuneke ɗa̱ ili dem i na i folonoi n kula ku va̱.

N dana ɗa̱ mayun, yi ta̱ a̱ kushika̱ ka̱ta̱ i na̱mgba̱ ka̱tsuma̱, amma aduniyan i ta̱ a kuyaꞋan ma̱za̱nga̱. Yi ta̱ a̱ kuna̱mgba̱ ka̱tsuma̱, amma una̱mgbuka̱tsuma̱ u ɗa̱ wi ta̱ o kubono ma̱za̱nga̱.