Popular Bible Verses from မႃႇ 11

Share

ပိူဝ်ႈ​ၼႆ​လႄႈ​ၵဝ်​ဝႃႈ​ၸမ်ႉ၊ၵႃႈ​ၼင်ႇ​ဢၼ်​သူ​လဝ်ႈ​ယွၼ်း​ၵႃႈမီး​တင်းသဵင်ႈ​ၼၼ်ႉ၊ပေႃး​ယုမ်ႇမၢတ်ႈ​လႄႈ​ဝႃႈ​တၵ်း​လႆႈ​ဢေႃႈ​ဝႃႈၼႆ​ၸိုင်၊သူ​တၵ်း​လႆႈ​ဢေႃႈ။

ၵဝ်​ဝႃႈ​တီႈ​ၸိုဝ်ႈၸႂ်ႈ​မၼ်း​တီႈ​သူ​ၸမ်ႉ၊ၵေႃႉ​ဢၼ်​ၵၢင်းလွတ်ႈ​တင်း​ၸႂ်​ယုမ်ႇ​ၶိုင်ႈၼိုင်ႈ​ဢမ်ႇ​ယုမ်ႇ​ၶိုင်ႈၼိုင်ႈ​သေလႄႈ​မီး​တၢင်းယုမ်ႇမၢတ်ႈ​လွင်ႈ​ဢၼ်​တၵ်း​ပဵၼ်​ၸွမ်းၼင်ႇ​ဢၼ်​မၼ်း​ယွၼ်း​ၼၼ်ႉ​လႄႈ​လၢတ်ႈ​တီႈ​လွႆ​လႄႈ​ဝႃႈ၊ ‘ၶၢႆႉ​တီႈ​မႂ်း​ၵႂႃႇ​တူၵ်း​ၵႃႈၼႂ်း​ၼမ်ႉ​ပၢင်ႇလၢႆႇ​တႃႉ၊’ ဝႃႈၼႆ​ၸိုင်၊တၵ်း​ပဵၼ်​ၸွမ်း​ဢမၢၼ်ႇၶၼ်ပဵၼ်​ဢေႃႈ။

ပိူဝ်ႈ​ၼႆ​လႄႈ​မိူဝ်ႈ​ဢၼ်​သူ​ၸုၵ်း​သူးတွင်း​ယူႇ​ၼၼ်ႉ​ၸိုင်၊ပေႃး​သူ​မီး​တီႈ​ဢၼ်​တၵ်း​တၢင်ႇ​ဢပျတ်ႈ​ပိူၼ်ႈ​ၸိုင်၊ပွႆႇလွတ်ႈ​ဢပျတ်ႈ​ၶဝ်​သေလႄႈ​သူးတွင်း​တႃႉ။ ပေႃး​သူ​ပွႆႇလွတ်ႈ​ဢပျတ်ႈ​ၸိုင်၊ပေႃႈၸဝ်ႈ​သူ​ဢၼ်​မီး​ၵႃႈၼိူဝ်​မိူင်းၵၢင်ႁၢဝ်​ပုၼ်ႉ​တၵ်း​ပွႆႇလွတ်ႈ​ဢပျတ်ႈ​သူ​ဢေႃႈ။

ၸဝ်ႈ​ယေႇသု၊ ၵေႃႈ​လၢတ်ႈ​လႄႈ​ဝႃႈ၊ “သူ​မီး​တၢင်း​ဢၼ်​ယုမ်ႇမၢတ်ႈ​ၼႂ်း​ၽြႃးပဵၼ်ၸဝ်ႈ​တႃႉ။

မိူဝ်ႈ​ၼၼ်ႉ​မၼ်းၸဝ်ႈ​သင်ႇ​သွၼ်​သုင်းမႃႉ​လႄႈ​ဝႃႈ၊ “ၵႃႈၼႂ်း​ၵျၢမ်းလိၵ်ႈ​တႅမ်ႈ​ဝႆႉ​လႄႈ​ဝႃႈ၊ ‘ႁိူၼ်း​ၵဝ်​ၼႆႉ​တၵ်း​လႆႈ​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ​ႁိူၼ်း​တီႈ​ဢၼ်​ၵူၼ်း​ၵူႈၸိူဝ်ႉၵူႈမဵဝ်း​သူးတွင်း​ဢေႃႈ၊’ ဝႃႈၼႆ​သေၵေႃႈ၊သူ​ႁဵတ်း​ႁႂ်ႈ​မၼ်း​ပဵၼ်​ထမ်ႈ​ၸူၼ်​ယဝ်ႉ​လူင်​ပႄႇ၊” ဝႃႈ​ၼင်ႇ​ၼႆ​ဢေႃႈ။

ၵူၼ်း​ဢၼ်​ၵႂႃႇ​ပႃႈၼႃႈ​ဢၼ်​ၸွမ်း​ပႃႈလင်​ၸိူဝ်း​ၼၼ်ႉ၊ဢွၼ်ၵၼ်​ႁွင်ႉသႅၼ်ႇ​လႄႈ​ဝႃႈ၊ “ႁူဝ်းသၼ်ႇၼႃႉ၊ ႁႂ်ႈ​ၸဝ်ႈ​ဢၼ်​ပႃး​တင်း​ၸိုဝ်ႈသဵင်​ထႃႇဝရႃႉ​ၽြႃး​မႃး​ၼႆႉ​မီး​မၢင်ႇၵလႃႇ​သေၵမ်း​လူၺ်ႈ။

ႁႂ်ႈ​မိူင်း​ပေႃႈ​ႁဝ်း​ တႃႇဝိတ်ႈ၊ ဢၼ်​တႄႇပဵၼ်​မႃး​ယူႇ​ၼႆႉ​မီး​မၢင်ႇၵလႃႇ​သေၵမ်း​လူၺ်ႈ။ ႁႂ်ႈ​ပဵၼ်​ႁူဝ်းသၼ်ႇၼႃႉ​ၵႃႈၼိူဝ်​ၸိၵ်း​ၸွမ်​ၵၢင်ႁၢဝ်​ပုၼ်ႉ၊သေၵမ်း​လူၺ်ႈ၊” ဝႃႈ​ၼင်ႇ​ၼႆ​ဢေႃႈ။