Popular Bible Verses from လု 8

Share

မဵတ်ႉ​ဢၼ်​တူၵ်း​ၵႃႈတီႈ​လိၼ်​လီ​ၼၼ်ႉ​ၶႂ်ႈဝႃႈ၊ၶဝ်​ၸိူဝ်း​ဢၼ်​လႆႈ​ငိၼ်း​ၵႂၢမ်း​တြႃး​ၽြႃးပဵၼ်ၸဝ်ႈ​ၼၼ်ႉ​ပႃး​တင်း​ၸႂ်လီ​ၸႂ်ဝၢၼ်​သေလႄႈ​သိမ်းပႅင်း​ဝႆႉ​ၵႃႈၼႂ်း​မၢၵ်ႇလၼ်း​ႁူဝ်ၸႂ်​သေယဝ်ႉ၊ၸႂ်ၸပ်း​ၸႂ်ၸွႆး​ယူႇ​တေႃႇထိုင်ႁွတ်ႈ​မၢၵ်ႇ​မၼ်း​မၢၵ်ႇ​မႃး​ၼၼ်ႉ​ဢေႃႈ။

မဵတ်ႉ​ဢၼ်​တူၵ်း​ၵႃႈၼႂ်း​ယုမ်းၼၢမ်​ၼၼ်ႉ​ၶႂ်ႈဝႃႈ၊ၶဝ်​ၸိူဝ်း​ဢၼ်​လႆႈ​ငိၼ်း​ၵႂၢမ်း​တြႃး​ၽြႃးပဵၼ်ၸဝ်ႈ​ၼၼ်ႉ​ၸူဝ်ႈ​ဢၼ်​ၶဝ်​ယင်း​တိုၵ်ႉ​ၵႂႃႇ​ယူႇ​ၼၼ်ႉ၊ပိူဝ်ႈ​ဢၼ်​တၢင်းမႆႈ​ၶီၸႂ်၊တၢင်း​ဢၼ်​လေႃးၽႃႉ​ပူၼ်ႉလိူဝ်၊ဢိၵ်ႇတင်း​တၢင်း​ဢၼ်​ၸၢမ်ႇၸႃး​ၸေးၸိမ်ႇ​လေႃးၵႃႉ​ၸိူဝ်း​ၼၼ်ႉ​ႁူမ်ႇ​သုမ်ႇ​ႁတ်ႉ​ဝႆႉ​လႄႈ​မၢၵ်ႇ​မၼ်း​ဢမ်ႇ​သုၵ်း​လႆႈ​ၼၼ်ႉ​ဢေႃႈ။

မဵတ်ႉ​ဢၼ်​တူၵ်း​ၵႃႈတီႈ​လိၼ်​ဢၼ်​မီး​ႁိၼ်​ၼမ်​ၼၼ်ႉ​ၶႂ်ႈဝႃႈ၊ၶဝ်​ၸိူဝ်း​ဢၼ်​လႆႈ​ငိၼ်း​ၵႂၢမ်း​တြႃး​ၽြႃးပဵၼ်ၸဝ်ႈ​ၼၼ်ႉ​ႁပ်ႉ​တုင်း​ဢဝ်​ၸူမ်းၸူမ်းသိူဝ်းသိူဝ်း​ၼၼ်ႉ​ဢေႃႈ။ ၵူၺ်းၵႃႈ၊ႁၢၵ်ႈ​တြႃး​ဢမ်ႇ​ယင်ႇ​လိုၵ်ႉ​ၵႃႈၼႂ်း​ႁူဝ်ၸႂ်​ၶဝ်​လႄႈ​ယုမ်ႇမၢတ်ႈ​ၸူဝ်ႈၼိုင်ႈ​ၵႅပ်ႈ​ၼိုင်ႈ​ၵူၺ်း​သေယဝ်ႉ၊မိူဝ်ႈ​ဢၼ်​တၢင်း​ၸၢမ်းတူၺ်း​ယႃႉ​ၵဝ်း​ႁွတ်ႈထိုင်​မႃး​ၸိုင်၊ၶဝ်​လူမ်ႉ​ၵႂႃႇ​ပင်း​ၵႂႃႇ​ဢေႃႈ။

မိူဝ်ႈ​ၼၼ်ႉ၊မၼ်းၸဝ်ႈ​လၢတ်ႈ​တီႈ​တပႄးၸဝ်ႈ​တင်းလၢႆ​လႄႈ​ဝႃႈ၊ “တၢင်းယုမ်ႇမၢတ်ႈ​သူ​မီး​ၵႃႈ​လႂ်​ယဝ်ႉ၊” ဝႃႈ​ၼင်ႇ​ၼႆ​ဢေႃႈ။ ၶဝ်​ၸိူဝ်း​ၼၼ်ႉ​ဢွၼ်ၵၼ်​ၵူဝ်​ၼႃႇ​ဢၢမ်း​ၼႃႇ​လႄႈ​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​လၢတ်ႈ​တီႈ​ၵၼ်​လႄႈ​ဝႃႈ၊ “ၵေႃႉ​ၼႆႉ​ပဵၼ်​ၽူႈလႂ်​ၼေႃ။ မၼ်း​ပူင်ဢမိင်ႉ​တီႈ​ၽူၼ်​လူမ်း​တင်း​လႅင်းၼမ်ႉ​လႄႈ၊ဢၼ်​ၸိူဝ်း​ၼႆႉ​ၵေႃႈ​ထွမ်ႇဢဝ်​ဢမိင်ႉ​မၼ်း​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

မဵတ်ႉ​ၽၼ်း​ဢၼ်​တူၵ်း​ၸွမ်း​ၵၢင်တၢင်း​ၸမ်ႉ၊ၶႂ်ႈဝႃႈ​ၶဝ်​ၸိူဝ်း​ဢၼ်​လႆႈ​ငိၼ်း​ၵႂၢမ်း​တြႃး​ၽြႃးပဵၼ်ၸဝ်ႈ​ၼၼ်ႉ​ၼင်ႇ​ႁိုဝ်​ၶဝ်​တေ​ဢမ်ႇ​ယုမ်ႇမၢတ်ႈ​လႄႈ​တေ​ဢမ်ႇ​လႆႈ​ႁွတ်ႈထိုင်​တၢင်း​ဢၼ်​ၵႄႇၶျွတ်ႈ​ဢဝ်​ၸိုင်၊ မႃႇၼၢတ်ႈ၊ မႃး​ထူၺ်ႈ​ထွၼ်​ဢဝ်​ၵႂၢမ်း​တြႃး​ၽြႃးပဵၼ်ၸဝ်ႈ​ဢွၵ်ႇ​ပႅတ်ႈ​ၵႃႈၼႂ်း​ႁူဝ်ၸႂ်​ၶဝ်​ၼၼ်ႉ​ဢေႃႈ။

“လွင်ႈတၢင်း​ဢၼ်​လပ်ႉ​ဝႆႉ​သိူင်ႇ​ဝႆႉ၊တေ​ဢမ်ႇ​ပေႃႇ​ဢွၵ်ႇ​ထၢင်ႇသႃး​မႃး​ၼၼ်ႉ​ဢမ်ႇ​မီး​သေ​ၸိူဝ်ႉ​သေ​မဵဝ်း၊လွင်ႈတၢင်း​ဢၼ်​သိူင်ႇ​ဝႆႉ၊ဢမ်​ဝႆႉ​တေ​ဢမ်ႇ​ပိုတ်ႇ​ၼႄ​ထၢင်ႇသႃး​မႃး​ၼႂ်း​ဢၼ်လႅင်း​ၼၼ်ႉ​ၵေႃႈ​ဢမ်ႇ​မီး​သေ​ၸိူဝ်ႉ​သေ​ပိူင်။

မႄႈယိင်း​ၼၼ်ႉ ႁု​လွင်ႈ​ဢၼ်​မၼ်း​ဢမ်ႇ​သိူင်ႇ​ဝႆႉ​ဢမ်​ဝႆႉ​လႆႈ​ယဝ်ႉ​ၼၼ်ႉ၊မၼ်း​ၽုၺ်ႇဢွၵ်ႇ​လၢတ်ႈၼႄ​ၵွပ်ႈသင်​လႄႈ​မၼ်း​လႆႈ​ယိပ်း​တိူဝ်ႉ​မၼ်းၸဝ်ႈ၊ဢိၵ်ႇတင်း​လွင်ႈ​ဢၼ်​တၢင်းပဵၼ်​မၼ်း​ၸိုၼ်ႈ​ႁၢႆ​ၵႂႃႇ​ယဝ်ႉ​ၵမ်းလဵဝ်​ၼၼ်ႉ၊ၵႃႈတီႈ​ၽၢႆႇၼႃႈ​ၵူၼ်း​တင်းလၢႆ​ဢေႃႈ။ ၸဝ်ႈ​ယေႇသု၊ ၵေႃႈ​လၢတ်ႈ​တီႈ​မၼ်း​လႄႈ​ဝႃႈ၊ “လုၵ်ႈယိင်း​ၵဝ်႟။ တၢင်းယုမ်ႇမၢတ်ႈ​မႂ်း​ႁဵတ်း​ႁႂ်ႈ​တၢင်းပဵၼ်​မႂ်း​ၸိုၼ်ႈ​ႁၢႆ​ယဝ်ႉ။ ၵႂႃႇ​ၼိမ်​ၼိမ်​တႃႉ၊” ဝႃႈ​ၼင်ႇ​ၼႆ​ဢေႃႈ။

တပႄးၸဝ်ႈ​ၸိူဝ်း​ၼၼ်ႉ​ၵႂႃႇ​ပူၵ်း​မၼ်းၸဝ်ႈ​သေယဝ်ႉ၊လဝ်ႈလၢတ်ႈ​လႄႈ​ဝႃႈ၊ “ၸဝ်ႈႁဝ်း၊ၸဝ်ႈႁဝ်း။ ႁဝ်းၶႃႈ​ၸမ်​တၵ်း​ႁွတ်ႈ​ၽေး​တၢင်းတၢႆ​ၶႃႈ​ယဝ်ႉ၊” ဝႃႈ​ၼင်ႇ​ၼႆ​ဢေႃႈ။ မၼ်းၸဝ်ႈ​ၸင်ႇ​လုၵ်ႉ​လႄႈ​ပူင်ဢမိင်ႉ​တီႈ​လူမ်း​တင်း​လႅင်းၼမ်ႉ​ဢၼ်​လုၵ်ႉ​ၶိုၼ်ႈ​ယူႇ​ၼၼ်ႉ ႁႂ်ႈ​ထၢတ်ႇယဵၼ်​ၼိမ်​လီ​မႃး​ဢေႃႈ။