Popular Bible Verses from ယူဝ်း 16

Share

ၵဝ်​ႁေႃးလၢတ်ႈ​ၵႂၢမ်း​ၼႆႉ​ႁႂ်ႈ​သူ​လႆႈ​ၼိမ်ၸႂ်​ၼႂ်း​ၵဝ်​ဢေႃႈ။ ၵူၼ်းလေႃးၵီႇ​ၼႆႉ​တၵ်း​ႁဵတ်း​ႁႂ်ႈ​သူ​ႁွတ်ႈ​တုၵ်ႉၶႃႉ​ဢေႃႈ။ ၼႂ်းဝႃႈၼၼ်​သေၵေႃႈ၊မီး​ၸႂ်​ႁတ်းႁၢၼ်​တႃႉ။ ၵဝ်​ပႄႉၼႅင်ႇ​တၼ်းၶူဝ်း​လေႃးၵႃႉ​ၼႆႉ​ယဝ်ႉ၊” ဝႃႈ​ၼင်ႇ​ၼႆ​ဢေႃႈ။

ၼႂ်းဝႃႈၼၼ်​သေၵေႃႈ​မိူဝ်ႈ​ဢၼ်​ၸဝ်ႈ​ဝိၺိၺ်ႇ​ဢၼ်​ၽုၺ်ႇၼႄ​လွင်ႈ​ၽြႃးပဵၼ်ၸဝ်ႈ​မၢၼ်ႇမႅၼ်ႈ​ၸိုဝ်ႈၸႂ်ႈ​ၼၼ်ႉ​ႁွတ်ႈမႃး​ၸိုင်၊မၼ်းၸဝ်ႈ​တၵ်း​ႁဵတ်း​ႁႂ်ႈ​သူ​ႁု​ပွင်ႇလွင်ႈ​သမ်ႇမႃႇ​တြႃး​တင်းသဵင်ႈတင်းလူင်​ဢေႃႈ။ မၼ်းၸဝ်ႈ​တၵ်း​ႁေႃးလၢတ်ႈ​ၸွမ်းၼင်ႇ​ဢလူဝ်ႇ​တူဝ်ၸဝ်ႈၵဝ်ႇ​ဢမ်ႇၸႂ်ႈ​လႄႈ၊တၵ်း​ႁေႃးလၢတ်ႈ​ၵႃႈ​ဢၼ်​မၼ်း​လႆႈ​ငိၼ်း​ၼၼ်ႉ​သေလႄႈ၊မၼ်းၸဝ်ႈ​တၵ်း​မွၵ်ႇလၢတ်ႈ​လွင်ႈတၢင်း​ဢၼ်​တၵ်း​မႃး​ၵမ်းလိုၼ်း​ၼၼ်ႉ​တီႈ​သူ​ဢေႃႈ။

ႁၢၼ်ႉ​တေႃႇ​မိူဝ်ႈလဵဝ်​ၼႆႉ၊သူ​ယင်း​ဢမ်ႇ​ပႆႇ​လဝ်ႈ​ယွၼ်း​သေ​ၸိူဝ်ႉ​သေ​ပိူင်​ၵႃႈၼႂ်း​ၸိုဝ်ႈသဵင်​ၵဝ်။ ယွၼ်း​တႃႉ။ ပေႃး​ယွၼ်း​ၸိူဝ်ႉ​ၼင်ႇ​ၼႆ​ၸိုင်​တၵ်း​လႆႈ​ဢေႃႈ။ ႁဵတ်း​ၼၼ်​ၸင်ႇ​တၢင်း​သိူဝ်းပျေႃႇ​သူ​တၵ်း​ၸေးၸုမ်ႇ​ဢေႃႈ။

ၵဝ်​ဝႃႈ​တီႈ​ၸိုဝ်ႈၸႂ်ႈ​မၼ်း​တီႈ​သူ​ၸမ်ႉ၊ပေႃး​ၵဝ်​ၵႂႃႇ​ၸိုင်​တၵ်း​ယဵင်ႈၶႅၼ်း​ပဵၼ်​ဢၵျူဝ်း​ပုၼ်ႈ​သူ​ဢေႃႈ။ လွင်ႈ​မၼ်း​ၸမ်ႉ၊ပေႃး​ၵဝ်​ဢမ်ႇ​ၵႂႃႇ​ၸိုင်၊ၸဝ်ႈ​ဢၼ်​ၸွႆႈထႅမ်​ၼၼ်ႉ​တေ​ဢမ်ႇ​မႃး​တီႈ​သူ။ ပေႃး​ၵဝ်​ၵႂႃႇ​ၸိုင်၊ၵဝ်​တၵ်း​ပွႆႇၸႂ်ႉ​မၼ်းၸဝ်ႈ​မႃး​ၵႃႈတီႈ​သူ​ဢေႃႈ။- မိူဝ်ႈ​ဢၼ်​မၼ်းၸဝ်ႈ​ႁွတ်ႈမႃး​ၸိုင်၊မၼ်း​တၵ်း​ၽုၺ်ႇၼႄ​လွင်ႈ​ဢၼ်​ၵူၼ်းလေႃးၵီႇ​ႁု​ပွင်ႇ​ၽိတ်း​လွင်ႈ​တုၸရိူၵ်ႈ​ဢပျတ်ႈ၊ဢိၵ်ႇတင်း​လွင်ႈတၢင်း​ဢၼ်​သိုဝ်ႈတေႃႇ၊တင်း​လွင်ႈတၢင်း​ဢၼ်​ၽြႃးပဵၼ်ၸဝ်ႈ​ၸီႇယၢင်ႇ​တြႃး​ၼၼ်ႉ​လႅင်း​လႅင်း​ဢေႃႈ။

သူ​ၵေႃႈ​ပဵၼ်​ၸိူဝ်ႉ​ၼင်ႇ​ၼၼ်​ယဝ်ႉ။ တေႃႈလဵဝ်​ၼႆႉ​သူ​ၸႂ်လဵၵ်ႉ​သေၵေႃႈ၊ၵမ်းလိုၼ်း​ၵဝ်​တၵ်း​ထူပ်း​ႁၼ်​သူ​လႄႈ ႁူဝ်ၸႂ်​သူ​တၵ်း​တဵမ်​ဝႆႉ​တင်း​တၢင်း​ဢၼ်​သိူဝ်းပျေႃႇ​ဢေႃႈ။ တၢင်း​သိူဝ်းပျေႃႇ​ၸိူဝ်ႉ​ၼင်ႇ​ၼၼ်​ၼၼ်ႉ​ၽူႈလႂ်​သေၵေႃႉသေၵူၼ်း​ဢမ်ႇ​ႁၢမ်ႈ​သူ​လႆႈ။ “မိူဝ်ႈ​ဢၼ်​ဝၼ်း​ၼၼ်ႉ​ႁွတ်ႈထိုင်​ၸိုင်၊သူ​တၵ်း​ဢမ်ႇ​တွင်ႈ​ဢမ်ႇ​ထၢမ်​ၵဝ်​သေ​ၸိူဝ်ႉ​သေ​ပိူင်​ယဝ်ႉ။ ၵဝ်​ဝႃႈ​တီႈ​ၸိုဝ်ႈၸႂ်ႈ​မၼ်း​ၸမ်ႉ၊ပေႃႈၸဝ်ႈ​တၵ်း​ပၼ်​သူ​ၵႃႈ​ၼင်ႇ​ဢၼ်​သူ​လဝ်ႈ​ယွၼ်း​မၼ်းၸဝ်ႈ​ၵႃႈၼႂ်း​ၸိုဝ်ႈသဵင်​ၵဝ်​ၼၼ်ႉ​ဢေႃႈ။

ၵဝ်​ဝႃႈ​တီႈ​ၸိုဝ်ႈၸႂ်ႈ​မၼ်း​ၸမ်ႉ၊သူ​ၸိုင်၊တၵ်း​လႆႈ​ႁွင်ႉႁႆႈ​ပွင်ႉၶၢင်း​ဢေႃႈ။ ၵူၼ်းလေႃးၵီႇ​ၸမ်ႉ၊တၵ်း​သိူဝ်းပျေႃႇ​ဢေႃႈ။ သူ​ၸိူဝ်း​ၼႆႉ​တၵ်း​လႆႈ​ၸႂ်လဵၵ်ႉ​ဢေႃႈ။ ၵူၺ်းၵႃႈ၊တၢင်း​ဢၼ်​ၸႂ်လဵၵ်ႉ​ၼၼ်ႉ​တၵ်း​ပိၼ်ႇ​ပဵၼ်​တၢင်း​ဢၼ်​သိူဝ်းပျေႃႇ​ဢေႃႈ။