Popular Bible Verses from ယူဝ်း 12

Share

ၽူႈလႂ်​သေဢမ်ႇဝႃႈ၊ပေႃး​ၶႂ်ႈ​ႁဵတ်း​ၵူၼ်းၸႂ်ႉ​ၵူၼ်းသွႆ​ၵဝ်​ၸိုင်၊မၼ်း​တၵ်း​လႆႈ​ၸွမ်း​ၵဝ်​ဢေႃႈ။ ၼင်ႇ​ၼၼ်​လႄႈ​တီႈ​ဢၼ်​ၵဝ်​မီး​ၼၼ်ႉ​ၵူၼ်းၸႂ်ႉ​ၵူၼ်းသွႆ​ၵဝ်​ၼၼ်ႉ​ၵေႃႈ​တၵ်း​လႆႈ​ယူႇ​ၸွမ်း​ဢေႃႈ။ ၽူႈလႂ်​သေဢမ်ႇဝႃႈ၊ၵေႃႉ​ဢၼ်​ႁဵတ်း​ၵူၼ်းၸႂ်ႉ​ၵူၼ်းသွႆ​ၵဝ်​ၼၼ်ႉ ပေႃႈၸဝ်ႈ​ၵဝ်​တၵ်း​ယုၵ်ႉယွင်ႈ​မၼ်း​ဢေႃႈ။

ၵေႃႉ​ဢၼ်​ႁၵ်ႉ​ဢသၢၵ်ႈ​တူဝ်ၸဝ်ႈၵဝ်ႇ​ၼၼ်ႉ​ၸၢင်ႈ​သုမ်း​ဢသၢၵ်ႈ​လႄႈ၊ၵေႃႉ​ဢၼ်​ၸင်း​ဢသၢၵ်ႈ​တူဝ်ၸဝ်ႈၵဝ်ႇ​ၼႂ်း​လေႃးၵႃႉ​ၼႆႉ​ၼၼ်ႉ​ၸမ်ႉ၊မၼ်း​ၸၢင်ႈ​သိမ်းပႅင်း​ဝႆႉ​ပုၼ်ႈ​ဢသၢၵ်ႈ​ထႃႇဝရႃႉ​ဢေႃႈ။

ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​မၼ်း​တီႈ​သူ​ၸမ်ႉ၊မဵတ်ႉ​ၶဝ်ႈပိူၵ်ႇ​ၼၼ်ႉ​ပေႃး​ယင်း​ဢမ်ႇ​တူၵ်း​ၶဝ်ႈ​ၼႂ်း​လိၼ်​လႄႈ​လုလႅဝ်​ၸိုင်၊ပဵၼ်​မဵတ်ႉ​လဵဝ်​ယူႇ​ၵူၺ်း​မၼ်း​ဢေႃႈ။ ပေႃး​လုလႅဝ်​ၸင်ႇ​ၸၢင်ႈ​ၽႄ​ၵိုၼ်း​မႃး​လႄႈ​မီး​မဵတ်ႉ​ၼမ်ၼႃႇ​ဢေႃႈ။

ၵဝ်​ပဵၼ်​ၸိူဝ်ႉ​ၼင်ႇ​ဢၼ်လႅင်း​သေလႄႈ​မႃး​ၼႂ်း​လေႃးၵႃႉ​ၼႆႉ​ပုၼ်ႈ​လွင်ႈ​ၼင်ႇ​ႁိုဝ်​ၶဝ်​ၸိူဝ်း​ဢၼ်​ယုမ်ႇမၢတ်ႈ​ၵဝ်​ၵူႈၵေႃႉၵူႈၵူၼ်း၊တၵ်း​တေ​ဢမ်ႇ​လႆႈ​မီး​ယူႇ​ၼႂ်း​တီႈ​ဢၼ်​လပ်းသိင်ႇ​ဢေႃႈ။

ပေႃး​သေၵေႃႉသေၵူၼ်း​ငိၼ်း​ၶၢဝ်ႇ​တြႃး​ၵဝ်​လႄႈ​ဢမ်ႇ​ႁဵတ်း​ၸွမ်း​ၼၼ်ႉ​ၸိုင်၊ၵဝ်​ဢမ်ႇ​ၸီႇယၢင်ႇ​ဢပျတ်ႈ​မၼ်း။ ၵဝ်​မႃး​ႁႂ်ႈလႆႈ​ၸီႇယၢင်ႇ​ဢပျတ်ႈ​လေႃး​ၵႃႉ​ၼႆႉ​ဢမ်ႇၸႂ်ႈ။ မႃး​ႁႂ်ႈလႆႈ​ၵႄႇၶျွတ်ႈ​ဢဝ်​ၵူၼ်း​လေႃး​ၵႃႉ​ဢေႃႈ။

မိူဝ်ႈ​ၼၼ်ႉ၊ မႃႇရိ၊ ဢဝ်​ၼမ်ႉမၼ်း​ႁွမ်​ဢၼ်​မီး​ၼမ်ႉၼၵ်း​သၢမ်​ၶၼ်၊ဢၼ်​ပဵၼ်​ၼမ်ႉမၼ်း​ၼၢမ်ႇသႃႇ​ၸႅတ်ႈ​ၸႅတ်ႈ​ဢၼ်​ထိူၵ်ႈၵႃႈ​ၶၼ်​ယႂ်ႇ​ၼႃႇ​ၼၼ်ႉ​လေႃႇ​သႂ်ႇ​တိၼ်​ ၸဝ်ႈ​ယေႇသု၊ သေယဝ်ႉ၊ဢဝ်​ၶူၼ်ႁူဝ်​မၼ်း​ၸဵတ်ႉ​ပၼ်​ဢေႃႈ။ ဢၢႆႁွမ်​မၼ်း​ၼၼ်ႉ​ၸွတ်ႇတူဝ်ႈ​ၵႂႃႇ​တင်း​ႁိူၼ်း​ဢေႃႈ။

ၶဝ်​ၸင်ႇ​ၽၼ်း​ဢဝ်​ၵိင်ႇမႆႉ​ ၸုၼ်ႇပလုၼ်ႇ၊ ႁႂ်ႈလႆႈ​ဢွၵ်ႇ​ၵႂႃႇ​ႁပ်ႉ​ႁူဝ်​တၢင်း​မၼ်းၸဝ်ႈ​လႄႈ​ႁွင်ႉသႅၼ်ႇ​ဝႃႈ၊ “ႁူဝ်းသၼ်ႇၼႃႉ​ၶုၼ်ႁေႃၶမ်း​ဢၼ်​ပႃး​တင်း​တၼ်းၶူဝ်း​ထႃႇဝရႃႉ​ၽြႃး​မႃး​ၼၼ်ႉ ႁႂ်ႈ​မီး​မၢင်ႇၵလႃႇ​သေၵမ်း​လူၺ်ႈ၊” ဝႃႈ​ၼင်ႇ​ၼႆ​ဢေႃႈ။

ၸဝ်ႈ​ယေႇသု၊ ၶိုၼ်း​လၢတ်ႈ​တီႈ​ၶဝ်​လႄႈ​ဝႃႈ၊ “ၶိင်ႇ​ယၢမ်း​ဢၼ်​မုၼ်ၽုင်း​ လုၵ်ႈၵူၼ်း၊ တၵ်း​ထၢင်ႇသႃး​မႃး​ၼၼ်ႉ​ႁွတ်ႈထိုင်​ယဝ်ႉ။