Popular Bible Verses from ငဝ်ႈ 22

Share

တီႈ​ၼၼ်ႈ​ ဢႃႇပြႃႇႁၢမ်ႇ၊ ႁွင်ႉ​ႁဵၵ်ႈ​ၸိုဝ်ႈ​ဝႃႈ၊ “ ထႃႇဝရႃႉ​ၽြႃး၊မႄးႁႅၼ်း​ပၼ်၊ ” ဝႃႈ​ၼင်ႇ​ၼႆ​လႄႈ​ဢွၼ်ၵၼ်​ႁွင်ႉဝႃႈ၊ “ၵႃႈၼိူဝ်​လွႆ​ ထႃႇဝရႃႉ​ၽြႃး၊ တီႈ​ဢၼ်​မၼ်းၸဝ်ႈ​မႄးႁႅၼ်း​ပၼ်၊” ဝႃႈ​ၼင်ႇ​ၼႆ​ႁၢၼ်ႉ​တေႃႇ​ဝၼ်း​မိူဝ်ႈၼႆႉ​ဢေႃႈ။

ၽြႃးပဵၼ်ၸဝ်ႈ​မီး​ဢမိင်ႉ​လႄႈ​ဝႃႈ၊ “ဢဝ်​လုၵ်ႈၸၢႆး​မႂ်း​ ဢိၸၢၵ်ႈ၊ ဢၼ်​မႂ်း​မီး​ၵေႃႉလဵဝ်​လႄႈ​ႁၵ်ႉ​ၼႃႇ​လူင်လၢင်​ၼၼ်ႉ​ဢွၵ်ႇ​ၵႂႃႇၸူး​မိူင်း​ မေႃးရိ၊ ပုၼ်ႉ​တႃႉ။ ၵႃႈၼိူဝ်​လွႆ​ဢၼ်​ၵဝ်​တၵ်း​ၼႄ​ပၼ်​တီႈ​မႂ်း​ၼၼ်ႉ​ဢဝ်​မၼ်း​ႁဵတ်း​တူဝ်​တၢင်းလူႇ​ဢၼ်​တုတ်ႇၽႆး​လႄႈ​သၢၵ်ႈလူႇ​ပုၼ်ႈ​ၵဝ်​တႃႉ၊” ဝႃႈ​ၼင်ႇ​ၼႆ​ဢေႃႈ။

တမၢၼ်ႇၵၢင်ႁၢဝ်​ၼၼ်ႉ​လၢတ်ႈ​လႄႈ​ဝႃႈ၊ “ယႃႇပေ​တိူဝ်ႉ​ပေ​ထုၵ်ႇ​လုၵ်ႈၸၢႆး​ဢွၼ်ႇ​ၼၼ်ႉ။ ယႃႇပေ​ႁဵတ်း​ၵႃႈသင်​တီႈ​မၼ်း​လႃးလႃး။ တေႃႈလဵဝ်​ၵဝ်​ႁု​လွင်ႈ​ဢၼ်​မႂ်း​ၵူဝ်ယမ်​ၽြႃးပဵၼ်ၸဝ်ႈ​ထၢၼ်ႇ​ႁိုဝ်​လႄႈ​ယင်း​ဢမ်ႇ​တွပ်ႇ​ဢမ်ႇ​ထဵင်​တၢင်း​ဢၼ်​ၵဝ်​ယွၼ်း​ဢဝ်​လုၵ်ႈၸၢႆး​မႂ်း​ဢၼ်​မႂ်း​မီး​ၵေႃႉလဵဝ်​ၵူၺ်း​ၼၼ်ႉ​ယဝ်ႉ၊” ဝႃႈ​ၼင်ႇ​ၼႆ​ဢေႃႈ။

ဢႃႇပြႃႇႁၢမ်ႇ၊ ၶိုၼ်း​လၢတ်ႈ​လႄႈ​ဝႃႈ၊ “ၽြႃးပဵၼ်ၸဝ်ႈ​တေ​မႄးႁႅၼ်း​ပုၼ်ႈ​မၼ်းၸဝ်ႈ​တူဝ်​ၼိုင်ႈ​ဢေႃႈ၊” ဝႃႈ​ၼင်ႇ​ၼႆ​လႄႈ၊ပႆ​ၸွမ်း​ၵၼ်​ၵႂႃႇ​ဢေႃႈ။

ၵဝ်​တၵ်း​ႁႂ်ႈ​ၸိူဝ်ႉၶိူဝ်း​မႂ်း​ၼမ်​ၵိုၼ်း​ၼႃႇ​လူင်လၢင်​မိူၼ်​ၸိူဝ်ႉ​ၼင်ႇ​လၢဝ်​ၵၢင်ႁၢဝ် ဢိၵ်ႇတင်း​မိူၼ်​ၸိူဝ်ႉ​ၼင်ႇ​မဵတ်ႉ​ႁိၼ်​မဵတ်ႉသၢႆး​တီႈ​ပၢင်ႇ​ႁၢတ်ႇသၢႆး​ၼမ်ႉ​သမ်ႇမုၵ်ႈတြႃႇ​ၼၼ်ႉ​ဢေႃႈ။ ၸိူဝ်ႉၶိူဝ်း​မႂ်း​တၵ်း​လႆႈ​ပႄႉ​ရၢၼ်ႇသူႇ​ၶဝ်​တင်းလၢႆ​ဢေႃႈ။- ၵွပ်ႈပိူဝ်ႈ​မႂ်း​ထွမ်ႇဢဝ်​ဢမိင်ႉ​ၵဝ်​လႄႈ​မဵဝ်း​ၵူၼ်း​တင်းလၢႆ​တၵ်း​ဢွၼ်ၵၼ်​ၶေႃ​ယွၼ်း​တၢင်းလီ​မၢင်ႇၵလႃႇ​ၸႃႉ​ဢၼ်​ၵဝ်​ပၼ်​တီႈ​ၸိူဝ်ႉၶိူဝ်း​မႂ်း​ၼၼ်ႉ​ဝႃႈၼႆ​ၵဝ်​ဝႆႉၵတိ​တီႈ​မႂ်း​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ဝၢႆး​ၼၼ်ႉ​ဢမ်ႇ​ႁိုင်​ဢမ်ႇ​ၼၢၼ်း​ၽြႃးပဵၼ်ၸဝ်ႈ​ႁွင်ႉ​ ဢႃႇပြႃႇႁၢမ်ႇ၊ သေလႄႈ​ၸၢမ်းတူၺ်း​မၼ်း​လႄႈ​ဝႃႈ၊ “ ဢႃႇပြႃႇႁၢမ်ႇ၊ ႟။” ဝႃႈ​ၼင်ႇ​ၼႆ​လႄႈ​ ဢႃႇပြႃႇႁၢမ်ႇ၊ ၵေႃႈ​တွပ်ႇ​လႄႈ​ဝႃႈ၊ “ဢေႃႈ​ၶႃႈ။ ၶႃႈၸဝ်ႈ​မီး​ယူႇ​တီႈၶႃႈ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

မိူဝ်ႈ​ၼၼ်ႉ​တမၢၼ်ႇၵၢင်ႁၢဝ်​ ထႃႇဝရႃႉ​ၽြႃး၊ ယူႇ​ၵႃႈၼိူဝ်​ၵၢင်ႁၢဝ်​သေလႄႈ​လၢတ်ႈ​မႃး​လႄႈ​ဝႃႈ၊ “ ဢႃႇပြႃႇႁၢမ်ႇ၊ ႟။ ဢႃႇပြႃႇႁၢမ်ႇ၊ ” ဝႃႈ​ၼင်ႇ​ၼႆ​လႄႈ၊ မၼ်း​ၶိုၼ်း​တွပ်ႇ​ဝႃႈ၊ “ဢေႃႈ​ၶႃႈ။ ၶႃႈၸဝ်ႈ​မီး​ယူႇ​တီႈၶႃႈ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ဝၢႆး​ၼၼ်ႉ​တမၢၼ်ႇၵၢင်ႁၢဝ်​ ထႃႇဝရႃႉ​ၽြႃး၊ သမ်ႉ​ႁွင်ႉ​ ဢႃႇပြႃႇႁၢမ်ႇ၊ ထႅင်ႈ​လႄႈ​ဝႃႈ၊- “ၵဝ်​ဢဝ်​တင်း​ၵႂၢမ်း​ဢၼ်​ဢွၵ်ႇ​သူပ်း​ ထႃႇဝရႃႉ​ၽြႃး၊ ၼၼ်ႉ​တိူင်ႇ​ၵတိ​ၵႃႈၼႂ်း​ၼႃႇမႃႉ​ၸိုဝ်ႈသဵင်​ၵဝ်​ၼၼ်ႉ​ၸမ်ႉ၊ၵွပ်ႈပိူဝ်ႈ​မႂ်း​ႁဵတ်း​ၸိူဝ်ႉ​ၼင်ႇ​ၼႆ​ယင်း​ဢမ်ႇ​တွပ်ႇ​ဢမ်ႇ​ထဵင်​လႄႈ​ဢဝ်​လုၵ်ႈၸၢႆး​ဢၼ်​မႂ်း​မီး​ၵေႃႉလဵဝ်​ၵူၺ်း​ပၼ်​တီႈ​ၵဝ်​ၼၼ်ႉ​ၵဝ်​တၵ်း​ပၼ်တၢင်းလီ​တီႈ​မႂ်း​လိူင်ႇ​ၼမ်ၼႃႇ​ဢေႃႈ။

ၶဝ်​ၵေႃႈ​ႁွတ်ႈထိုင်​ၵႂႃႇ​တီႈ​ဢၼ်​ၽြႃးပဵၼ်ၸဝ်ႈ​သင်ႇ​လၢတ်ႈ​ဝႆႉ​ၼၼ်ႉ​ဢေႃႈ။ မိူဝ်ႈ​ၼၼ်ႉ​ ဢႃႇပြႃႇႁၢမ်ႇ၊ တႄႇႁဵတ်း​ၶဵင်ႇ​တၢင်းလူႇ​သေယဝ်ႉ၊ဢဝ်​ၽိုၼ်း​ၵေႃႇ​ၵႃႈၼိူဝ်​ၼၼ်ႉ​ယဝ်ႉ​ၸင်ႇ​ၽုၵ်ႇ​မတ်ႉ​လုၵ်ႈၸၢႆး​မၼ်း​သေယဝ်ႉ၊ဢဝ်​တၢင်ႇ​ၵႃႈၼိူဝ်​ၵွင်​ၽိုၼ်း​ဢၼ်​ၵေႃႇ​ဝႆႉ​ၵႃႈၼိူဝ်​ၶဵင်ႇ​ၼၼ်ႉ​သေလႄႈ။