Popular Bible Verses from Lagu Puji dong 23

Share

Biar lai beta ada jalan di jurang yang paling galáp, ma beta sonde taku ame deng jahat apa-apa, tagal Tuhan, Lu ada jalan sama-sama deng beta. Beta rasa aman, tagal Tuhan ada pegang tongkat deng kayu kudung.

TUHAN tu, beta pung gambala yang piara ame sang beta. Andia ko beta sonde kurang satu apa ju.

Beta parcaya bilang, Tuhan ada mau kasi tunju Dia pung hati bae sang beta, deng mau kasi tunju Dia pung rasa kasian sang beta, sapanjang beta idop di ini dunya. Deng beta ju parcaya bilang, beta dapa tampa dalam Tuhan pung ruma sandiri. Deng bagitu, beta mau tenga di situ tarús-tarús.

Dia foo bawa sang beta pi padang rumput, ko biar beta bisa barenti cape di situ. Dia antar bawa sang beta, pi minum di mata aer yang tanáng. Dia kasi kuat sang beta, deng kasi beta idop baru. Dia kasi tunju sang beta jalan idop yang batúl, tagal Dia tu gambala yang mau jaga Dia pung nama bae.