Popular Bible Verses from Lagu Puji dong 121

Share

Beta ni, susa! Andia ko beta lia-lia pi gunung ko cari-cari, ais beta tanya bilang, ‘Yang mau tolong ame sang beta, nanti datang dari mana? Kira-kira dari sana, ko?’ Padahal yang mau tolong sang beta tu, bukan datang dari gunung. Te yang tolong sang beta ni, andia, TUHAN Allah, yang bekin ame langit deng bumi.

Te TUHAN mau jaga ame bosong dari samua yang jahat; deng Dia yang piara ame bosong ko biar bosong idop aman. TUHAN jaga bosong pung dudu-badiri, waktu bosong kaluar-maso pi mana-mana, dari sakarang, tarús-tarús, sampe salamanya sonde pake barenti.

Dia yang jaga sang bosong. Dia yang sonde kasi biar ko bosong jato. Deng yang jaga deng piara sang bosong tu, sonde jato tatidor sadiki ju.