Popular Bible Verses from Matthieu 27

Share

Nduru na ngbonga ota, Jésus adekongo ngangu, atene: “Eli, Eli, lema sabaktani?” Ndani atene: “Nzapa ti mbi, Nzapa ti mbi, mo zia mbi ngbanga ti nyen?”

Gi na ndembe ni so, ya ti ridoo so a kanga na ya ti kota da ti Nzapa asuru use, alondo na nduzu ngbii asi na gbeni. Sese ayingi, ya ti akota têne asuru, yanga ti adu ti kuâ azi si azo mingi ti Nzapa so akui azingo na kuâ.

Jésus akiri adekongo ngangu si lo kui.

So makonzi ti aturugu ni na aturugu so ayeke bata Jésus abaa sese so ayingi nga na aye so kue asi, mbeto agbu ala mingi si ala tene: “Taa-tënë, lo yeke Molenge ti Nzapa!”

Ti londo na bekombite ngbii asi na ngbonga ota, ndo avuko na ya ti kodro ni kue.

Pilate ahunda ala, atene: “Fade mbi yeke sara nyen na Jésus so a iri lo Mesii so?” Ala kue akiri tënë, atene: “A fâ lo na ndö ti keke ti kroa!” Pilate akiri ahunda ala, atene: “Sioni ti nyen laa lo sara?” Me ala kiri adekongo ngangu, atene: “A fâ lo na ndö ti keke ti kroa!”