Popular Bible Verses from Matthieu 24

Share

Ndali ti sioni so ayeke wu gi wungo, fade ndoye ti azo mingi ayeke kiri na peko. Me zo so ayeke gbu ngangu ngbii asi na ndani, fade lo yeke soo kuâ.

Fade a yeke fa Nzoni Tënë ti *Kodro-gbia na ndö ti dunia kue, tongaso si azo ti amara kue ama ni. Na pekoni, fade ye kue ayeke hunzi.”

Ala azo ti mbi, fade ala yeke ma tënë ti abira so aga nduru wala tënë ti abira so angba yongoro, ala sara mbeto pepe! Biani, alingbi aye so asi, me so laa ayeke hunzingo ti aye kue pepe.

Fade mbeni mara ayeke londo ti tiri na mbeni mara, mbeni kodro-gbia ayeke londo ti tiri na mbeni kodro-gbia; kota nzara ayeke ga si sese ayeke yingi na ando nde nde. Fade aye so kue ayeke duti tongana kozo songo ya ti wali so aga nduru ti du.

Fade yayu na sese ayeke hon, me atënë ti mbi ayeke hon oko pepe.”

Biani, fade azo mingi ayeke ga na iri ti mbi si zo oko oko ayeke tene: ‘Mbi laa mbi yeke *Mesii!’ Azo ni ayeke handa gba ti azo.

Tongaso, fade a yeke zia ala na maboko ti ambeni zo titene a sara ngangu na ala; amara kue ayeke ke ala ndali ti mbi. Na ngoi ni so, azo mingi ayeke zia lege ti mabe ti ala; ala yeke ka amba ti ala na popo ti ala si ala yeke ke tere na popo ti ala. Fade awayanga-Nzapa mingi ti mvene ayeke londo si ala yeke handa gba ti azo.

Jésus akiri tënë na ala: “Ala sara hange si mbeni zo ahanda ala pepe!

Ndani laa, ala nga, ala leke tere ti ala ti ku, ngbanga ti so Molenge ti Zo ayeke ga ande na ngbonga so ala hinga pepe.”

Tongaso, azo ti mbi, ala lango pepe, ngbanga ti so ala hinga lango ti gango ti *Kota Gbia ti ala pepe!

“Ti lango ti singo ti aye ni wala ngbonga ni, zo oko ahinga ni pepe: ataa *a-ange so ayeke na yayu, ataa Molenge ni; gi Babâ oko laa ahinga ni.

Biani, fade amesii ti mvene na awayanga-Nzapa ti mvene ayeke ga si ala yeke sara akota ye ti kpene na aye ti dongo be ti handa na azo. Tongana lege ayeke daa, ataa azo so Nzapa asoro ala, ala yeke handa ala.

Ye so asi ando na ngoi ti Noe, ayeke duti ande legeoko tongaso na lango ti gango ti *Molenge ti Zo. Ando, kozo titene kota ngu apika, asuku si amu ndo kue, azo ayeke te, ala yeke nyon; akoli na awali ayeke mu tere ngbii asi na lango so Noe ali na ya ti kota mangboko. Ala hinga tënë ni oko pepe ngbii asi na ngoi so kota ngu apika, asuku si amu ala kue ahon na ala. Ye ni ayeke duti ande nga tongaso na lango ti gango ti Molenge ti Zo.