Popular Bible Verses from Matthieu 19

Share

Jésus abaa ala si lo tene na ala: “Ye ni ahon ngangu ti zo, me Nzapa alingbi ti sara ye kue.”

Tongaso, ala yeke azo use mbeni pepe, me ala ga gi tere oko. Ye so Nzapa abongbi awe, alingbi zo akangbi ni pepe.”

Jésus akiri tënë na ala: “Ala diko tënë so Mbeti ti Nzapa atene so pepe? Na tongo nda ni, Nzapa so asara ye kue, lo sara koli na wali; lo tene: ‘Ndani laa, fade koli ayeke londo na gbe ti babâ na mama ti lo ti bongbi oko na wali ti lo si ala use kue ayeke ga gi tere oko.’

Tongaso Jésus atene na ala: “Ala zia akete molenge aga na mbi, ala kanga lege na ala pepe, ngbanga ti so *Kodro-gbia ti yayu ayeke ndali ti azo so ayeke tongana amolenge so.”

Mingi ti azo ti li ni ayeke ga ande azo ti ndani; mingi ti azo ti ndani ayeke ga azo ti li ni.”

Zo so kue azia ada ti lo, a-ita ti lo ti koli, a-ita ti lo ti wali, babâ ti lo, mama ti lo, amolenge ti lo na ayaka ti lo ndali ti mbi, fade lo yeke wara aye so fani ngbangbo oko ahon aye so lo zia si lo yeke wara fini so angba lakue lakue.

Jésus atene na lo: “Tongana mo ye ti ga nzoni kue, mo gue, mo ka ye so kue mo yeke na ni, mo mu nginza ni na awayere si fade mo yeke wara mosoro na yayu. Na pekoni, mo ga, mo mu peko ti mbi.”

Jésus atene na lo: “Ngbanga ti nyen si mo hunda mbi na ndö ti ye so ayeke nzoni? Gi Nzapa oko laa ayeke nzoni. Tongana mo ye ti li na ndo so azo ayeke duti na fini daa, ayeke nzoni mo sara ye alingbi na andia ti Nzapa.”

Mbi kiri mbi tene na ala: lingo ti zo ti mosoro na ya ti Kodro-gbia ti Nzapa ayeke ngangu ahon lingo ti *zambala na ya ti du ti sua!”

Mbi tene na ala: tongana mbeni zo atumba wali ti lo, ataa so wali ni agi mbeni koli nde pepe si lo mu mbeni wali nde, andaa lo gi wali ti mbeni zo awe.”

Jésus atene na adisiple ti lo: “Mbi tene na ala taa-tënë: ayeke ngangu na zo ti mosoro ti li na ya ti *Kodro-gbia ti yayu.