Popular Bible Verses from Matthieu 13

Share

Ambeni zo ayeke tongana nzoni sese so ale ti kobe atuku daa: ala ma tënë ni si ala ma ya ni nzoni. Ala le nzoni: ambeni ale ngbangbo oko, ambeni ale baleomene si ambeni ale baleota.”

Ambeni zo ayeke tongana sese so aki ayeke daa si ale ti kobe atuku daa: ala ma tënë ni, me gingo be ti ala na ndö ti aye ti sese so na nzara ti mosoro akanga ndö ti tënë ni si ale pepe.

Azo so ama tënë ti *Kodro-gbia ti yayu si ala ma ya ni pepe so, ala yeke tongana tere ti lege so ale ti kobe atuku daa. Sioni wato aga si lo zi ye so a lu na be ti azo ni.

Ambeni zo ayeke tongana sese so atêne ayeke daa mingi si ale ti kobe atuku daa: ala ma tënë ni si ala yeda na ngia. Me tënë ni ali na ya ti be ti ala pepe, ala bata tënë ni na be ti ala aninga pepe. Tongana pasi wala ye ti ngangu asi na ala ngbanga ti tënë ti Nzapa, fafade ala do lege ti tënë ti Nzapa azia.

“*Kodro-gbia ti yayu ayeke tongana mosoro so a honde ni na ya ti yaka. Mbeni zo awara ni si akiri ahonde ni. Be ti lo anzere mingi si lo gue, lo ka aye so kue lo yeke na ni si lo vo yaka so.

Ambeni le ni atuku na nzoni sese si ala le: ambeni ale ngbangbo oko, ambeni ale baleomene si ambeni ale baleota.”

Ala zia ni kue akono legeoko ngbii asi na ngoi ti fango ale ti kobe ni. Tongana ngoi ti fango ale ti kobe ni alingbi awe, fade mbi yeke tene na azo ti kua ti mbi, mbi tene: Ala gboto asioni pere ni kozoni, ala kanga agba ni ti gbi ni. Na pekoni, ala ro ale ti ble ni azia na ya ti gogoro ti mbi.’ ”