Popular Bible Verses from Luc 7

Share

Ndani laa mbi tene na mo: kota ndoye so lo yeke na ni afa atene, gba ti asiokpari so lo sara, Nzapa azi ni na li ti lo awe. Me zo so a zi tënë na li ti lo gi kete, lo yeke na ndoye gi kete.” Na pekoni, lo tene na wali ni, lo tene: “A zi asiokpari ti mo awe.”

Me Jésus atene na wali ni: “Mabe ti mo asoo mo awe. Mo gue nzoni!”

Lo luti na peko ti Jésus, nduru na tere ti lo. Lo yeke toto, ngu ti le ti lo ayeke yuru na ndö ti gere ti Jésus si lo yeke mbo ni na kua ti li ti lo; lo gbu gere ti Jésus si lo yeke tuku yombo ni na ndö ni.

Nilaa, mbi baa nga tere ti mbi, mbi tene, mbi lingbi ti si na tere ti mo pepe. Me mo tene tënë oko si kobela ti zo ti kua ti mbi akai! Mbi wani, mbi yeke na gbe ti ambeni makonzi so kamba ti ala ahon ti mbi; mbi yeke nga na aturugu na gbe ti mbi. Tongana mbi tene na mbeni oko, mbi tene: ‘Gue kâ!’, lo yeke gue. Tongana mbi tene na mbeni, mbi tene: ‘Ga na ndo so!’, lo yeke ga. Tongana mbi tene na zo ti kua ti mbi, mbi tene: ‘Sara ye so!’, lo yeke sara ni.” So Jésus ama tënë so, lo gonda lo mingi. Lo baa ndo na mbage ti gba ti azo so amu peko ti lo si lo tene na ala: “Mbi tene na ala: ataa na kodro ti Israel, mbi de ti baa mara ti mabe tongaso laoko pepe.”

Na ndembe ni so, Jésus akai kobela na tere ti azo mingi, lo sara si azo so mbage ti tere ti ala abuba, aga nzoni, lo tumba asioni yingo na ya ti azo, lo sara si awaziba abaa ndo. Na pekoni, lo tene na azo so Jean atokua ala so, lo tene: “Ala gue, atene na Jean tënë ti aye so ala baa na aye so ala ma: awaziba akiri abaa ndo, azo so gere ti ala abuba akiri atambula, tere ti azo ti buruma aga *nzoni, azo so mê ti ala akanga akiri ama ndo, azo azingo na kuâ, a fa Nzoni Tënë na azo ti mawa.