Popular Bible Verses from Luc 14

Share

“Tongana zo aga na mbi, alingbi lo ye mbi ahon babâ ti lo, mama ti lo, wali ti lo, amolenge ti lo, a-ita ti lo ti koli na ti wali nga na tere ti lo wani si lo duti disiple ti mbi.

Zo so ayo keke ti kroa ti lo pepe si lo mu peko ti mbi pepe, lo lingbi ti duti disiple ti mbi pepe.

Biani, zo so kue asara tere ti lo tongana kota zo, fade a sara si lo ga kete zo; zo so asara tere ti lo tongana kete zo, fade a sara si lo ga kota zo.”

Legeoko tongaso, na popo ti ala, zo so azia aye ti lo kue pepe, lo lingbi ti duti disiple ti mbi pepe.”

Na popo ti ala, tongana mbeni zo aye ti sara mbeni kota da so ayo na nduzu, lo yeke duti kozoni ti gbu li ti lo ti baa wala lo yeke na nginza so alingbi ti hunzi na da ni. Me tongana lo leke gi gere ti da ni si na pekoni, lo hunzi ni pepe, fade azo so kue ayeke baa lo, ayeke he lo, atene: ‘Koli so ato nda ti sarango da, me hunzingo ni akara lo!’

Me tongana mo sara matanga, ayeke nzoni mo tisa azo ti mawa, na ala so mbage ti tere ti ala abuba, na ala so gere ti ala aba bango na awaziba. Fade mo yeke duti na ngia, ngbanga ti so ala yeke na ye ti kiri na ni na mo pepe. Me Nzapa ayeke kiri ni ande na mo na ngoi so azo ti mbirimbiri ayeke zingo na kuâ.”

“Ingo ayeke nzoni ye; me tongana nzerengo ti ingo ahon awe, fade zo ayeke sara tongana nyen ti kiri na ni daa? Alingbi ti sara nzoni na sese, wala na yaka pepe; a yeke tuku ni na gigi. Zo so ayeke na mê ti mango ndo, ayeke nzoni lo ma tënë so!”