Popular Bible Verses from Luc 1

Share

So ti fa atene, ye ti hon ngangu ti Nzapa ayeke daa pepe.”

Marie atene: “Mbi yeke zo ti kua ti Kota Gbia; ayeke nzoni ye ni asi na mbi alingbi na tënë so mo tene so.” Na pekoni, ange ni azia lo si ahon.

Ange ni akiri tënë na lo, atene: “Fade Yingo-Vuru ayeke ga na ndö ti mo si ngangu ti Nzapa, lo so lo yeke na yayu kâ na ndö ti aye kue ayeke duti na ndö ti mo tongana gbe ti de. Ndani laa molenge so mo yeke du lo ayeke ga zo so ayeke nde si ayeke nzoni kue; azo ayeke iri lo Molenge ti Nzapa.

Ti mo nzoni, ngbanga ti so mo ma na be so ye ni ayeke si ande gi tongana ti so Kota Gbia atene tënë ni na mo!”

Fade mo yeke mu ngo si mo yeke du molenge-koli so mo yeke di iri ti lo Jésus. Lo yeke ga kota si a yeke iri lo *Molenge ti Nzapa so ayeke na yayu kâ na ndö ti aye kue. Kota Gbia Nzapa ayeke mu na lo mbata ti gbia ti kotara ti lo David. Fade lo yeke le-gbia na ndö ti azo ti Israel kpu na kpu si lengo-gbia ti lo ayeke hunzi pepe.”

Ange ni atene na lo: “Marie, sara mbeto pepe, ngbanga ti so Nzapa asara nzoni be na mo.