Popular Bible Verses from Jean 5

Share

“Biani, mbi tene na ala taa-tënë: zo so ama tënë ti mbi si lo ma na be na lo so atokua mbi, lo yeke na fini so angba lakue lakue. A yeke fâ ngbanga na li ti lo pepe, me lo sigigi na ya ti kuâ awe si lo yeke na fini.

Jésus abaa lo yeke lango na sese, lo ma a tene, kobela ti lo aninga mingi si lo hunda lo, atene: “Mo ye tere ti mo aga nzoni?”

Ala yeke gi nda ti Mbeti ti Nzapa, ngbanga ti so ala baa ti ala atene na lege ni, ala yeke wara fini so angba lakue lakue. Andaa gi Mbeti so laa ayeke tene tënë na ndö ti mbi! Me ala azo, ala ye ti ga na mbi pepe ti wara taa fini.

Jésus atene na lo: “Londo, mo mu konza ti mo, mo tambula!” Gi hio tongaso, tere ti koli ni aga nzoni si lo mu konza ti lo, lo tambula. Andaa, lango ni so ayeke *lango ti wungo tere.

Jésus amu tënë si lo tene na ala: “Biani, mbi tene na ala taa-tënë: Molenge ni ayeke sara ye ti be ti lo wani pepe, lo yeke sara gi ye so lo baa Babâ ti lo na sarango ni. Ye so kue Babâ asara, Molenge ni nga ayeke sara