Popular Bible Verses from Tongo nda ti aye 12

Share

Mbi yeke sara titene mbeni kota mara abaa gigi na lege ti mo. Mbi yeke sara tufa na ndö ti mo si mbi yeke sara nga titene iri ti mo awu. Mo yeke ga zo so na lege ti lo, a yeke sara tufa na ndö ti azo. Fade mbi yeke sara tufa na ndö ti azo so ayeke sara tufa na ndö ti mo. Mbi yeke deba zo so ayeke deba mo. Na lege ti mo, a yeke sara tufa na ndö ti azo ti asewa ti dunia kue.”

KOTA GBIA atene na Abram: “Londo, mo zia kodro ti mo, sewa ti mo, na da ti babâ ti mo; mo gue na kodro so fade mbi yeke fa na mo.

Abram alondo, ague gi tongana ti so KOTA GBIA atene na lo ti gue so. Lot nga ague na lo. Ngu ti Abram ayeke balembarambara na oku na ndembe so lo londo na gbata ti Haran ti hon.

KOTA GBIA asi na Abram si lo tene na Abram, lo tene: “Mbi yeke mu ande kodro so na *ahale ti mo.” Abram aleke mbeni gbalaka na ndo so ndali ti KOTA GBIA so asi na lo.