Popular Bible Verses from Kalan Kunum 11

Share

Uneko, elo atemse ding dim bakate, e elo Antiok abiw mutuk fian kalo debele talse kale. Keko beli, aso i itol makmak ding ka kel bomeliwi, Antiok abiw mutuk fian kasel ilo Sunbin-Got em Weng Kal Ken Ati be kukuyembisiliw kale. Kaem ding dim bakate, emisik ding e, mali kawtiw i Yesus em angin ilo kikis wiin “Kilisten” yangsiliw kale.

Balnabas be kukuw ken so kunum ete kale. Em fein ibolow e kitil kesomelei, Sunbin-Finik e em ibolow mutuk be wense kasike, e kunum waneng banban mak Kamok Fian em mit elo yemde telei, i em angin kesiliw kale. Keyemiwi, Balnabas e yetemete: “Sunbin-Got e kunum waneng biilo ibolow folok duyembe kai!”, angeko, yetemse kasike, e kakat fian kesomi, kewkew weng bokoyemomele: “Kamok Fian elo kilele net kelewko, atin kuw gelewemoliwka!”, yangse kale.

Kame ne diw atemite: ‘Isalael kawtiw num ibik biliw kawtiw bikati Kamok Fian Yesus Kulais elo ‘Fein!’, dangiwi, Sunbin-Got e Sunbin-Finik be ilo akati sak misim kuw duyemse kai!’, angeko, atemsi te. Atemsi kasike, nakalem ete Sunbin-Got em fian kelewsomi, ‘Kaneyemokolew te!’, dangoki sako? Babo!”, yangse kale. Em yangse ding dim bakate, ka biliw kunum i Fita em yangse weng be kiliko, “Be ken ati kai!”, angeko, eso ibolow ki kesomi, Sunbin-Got em wiin fian daolewko, bokolomeliw: “Isalael kawtiw num ibik biliw kawtiw biim dulum elo nu kame kilele kal keluwete: Nimin kawtiw ite mak ibolow famdeko, Sunbin-Got elo ‘Fein!’, dangiw tewe, kanekabiliw kunum waneng bi fein finik so bin kulokoliw kai!”, angsiliw kale.