Popular Bible Verses from 1 Kolin 15

Share

Nakunum kumel kunum waneng yutaka! Kaneko kasike, yu kitil kuw keko, ibolow kau uninba kesomi, finik so deiw ka kel kuw kakamoliwka! Kakabomeliwi, yu bukeko, Kamok Fian em aluwbamin kilele aluwbamoliwka! Nimtew angom? Yom aluwbamin be fein dem mak gilaloke kasike.

Kaneko kasike, nu Sunbin-Got elo “Weso! Seyo!”, dangbuma! Nimtew angom? Num Kamok Fian Yesus Kulais em kitil e kuankemin be ankiw dalei, nu em kanese beem dim e kuankemin beelo bakilewkabuluw kasike.

Yu kanelom ibolow teifulubokoliw te! “Wa kukuw kawtiw iso kakamiw tewe, yom kukuw ken bakati waloke kasike!”

Kate, Sunbin-Got e nelo folok ibolow kenemeko, em kalan kunum kenemse te. Kenemei, ne akalem nelo folok ibolow kukuneme be tutulinba kebi kate, ne bukeko, mali kalan kunum im aluwbamin be bakilewkabi te. Kate, nem kitil fong gel kasike, Sunbin-Got em folok ibolow e nem dim kitil kuw aluweko, aluwkabe te.

Kuankemin kutaka! Kame, kom mali alik ilo bakiyemkabe kitil e nal kel be ye? Kuankemin kutaka! Kame, kom betbet duyemeko, yenkabelew kitil e nal kel be ye?” Nimtew angom? Kuankemin em betbet duyemeko, yenkabe em kitil e sili sili nam ete kasike. Keko beli, sili sili nam em kitil e Sunbin-Got em kukuyemin weng ete te.

Kame yu nem ibolow win sang be kililina! Alik alik nu kuaninba lekokoluw kate, alik num kal anggil be fein alwol keloke te. Fefe ding dim em fefe fongket weng gaanoke ding dim bakate, kiin kalili angin atew fongate akate kuansiliw kawtiw imisik finik so teineko, kal anggil kikis mak kulokoliw te. Kuliwi, kuaninba finik so kebuluw kunum waneng nukati kikis kal anggil mak kuluko, alik alik nu diwkuw diwkuw finik so bokoluw te.

Yu kilele kililina! Sua kel akate, mak kunum mak kuankemin em deiw wankese te. Beemdiw, kame akati mak kunum mak finik so kulamin em deiw wankese te. Emisik kunum Adam em angin alik alik i kuankemin em deiw ka kel kakawkabiliw kate, em teben tele kunum Kulais em angin alik alik i finik so kulamin em deiw dim ka kel kakabiliw te.

Nimtew angom? Kawin dim kaleem kuanko, kilonoke kal anggil be kuaninba keko, nam kilone kal anggil mak minggiyemoke kasike.

Yemkalfolsomelei, Sunbin-Got em “Kaneloke!”, angse eisneng be fein keloke te. Beem ding dim kabalak e, Kulais e alik alik angom kamokim so, auk so kitil so kawtiw iso, auk so kitil so finik iso, alik alik maka angom biilo banim keyemeko, akalem afak kalak da koyemsomi, biim emisik kamok fian kemoke te. Kesomelei, e alik alik bi akalem Sunbin-Alew em teing dim elo dalewei, e gawman beem kamokim fian keloke te. Kate yu kililina! Kulais em akalem afak elo dulewoke fefe maka be kuankemin ete te.