Popular Bible Verses from Ntawv Nkauj 119

Share

Koj tej lus yog lub teeb rau kuv txhais kotaw thiab yog qhov kaj rau kuv txojkev.

Kuv khaws nkaus koj tej lus rau hauv kuv lub siab, kuv thiaj tsis ua txhaum rau koj.

Yuav ua li cas tus tub hluas thiaj ua tau nws lub neej dawb huv? Yog yuav tsum ceev faj coj raws li koj txoj lus.

Cov uas tuav rawv Yawmsaub tej lus qhia kuj tau nyob kaj siab lug, yog cov uas nrhiav Yawmsaub kawg siab kawg ntsws.

Koj yog kuv lub chaw nraim cev thiab yog kuv daim hlau tiv thaiv kuv, kuv vam ntsoov koj tej lus cog tseg.

Thov qhia kom kuv nkag siab, kuv thiaj li coj raws nraim li koj txoj kevcai, kuv yuav xyaum ua raws li ntawd kawg kuv lub siab.

Thov tswj kuv lub siab rau koj tej lus qhia, tsis txhob cia qaug rau kev nplua nuj.

Qhov uas kuv raug txom nyem kuj zoo lawm, kuv thiaj kawm paub koj tej kab ke.

Thaum kuv raug kev txom nyem, yam uas nplij kuv lub siab yog koj tej lus cog tseg uas pub txojsia rau kuv.

Thov koj coj kuv mus raws li koj tej lus nkaw, rau qhov kuv zoo siab xyiv fab rau txojkev ntawd.

Au Yawmsaub, thov koj qhia koj tej kab ke rau kuv, kuv yuav coj raws nraim li ntawd mus txog thaum kawg.

Kuv muaj kev txhawj xeeb siab ntsws yaj tag, thov txhawb kuv lub zog raws li koj tej lus cog tseg.

Kuv nyiam koj txoj kevcai kawg nkaus, yog tej lus uas kuv tshawb nrhiav tas hnub tas hmo.