Popular Bible Verses from Yelemi 3

Share

“Thiab kuv yuav pub cov yug yaj uas hum kuv lub siab rau nej, lawv yuav muaj tswvyim muaj kev paub txawj yug nej.”

“Kuv cov tub uas tso kuv tseg 'e, cia li rov qab los lauj. Kuv yuav kho qhov uas nej tso kuv tseg kom zoo.” “Saib maj, peb tabtom los cuag koj, vim koj yog Yawmsaub uas yog peb tus Vajtswv.”

Cia li mus tshaj tawm cov lus no rau yav tebchaws ped hais tias, “Yawmsaub hais tias, ‘Yixayee uas tso kuv tseg lawm 'e, koj cia li rov qab los. Kuv yuav tsis ntsia koj ua chim tsawv, rau qhov kuv yog tus uas khuvleej.’ Yawmsaub hais li no ntag. ‘Kuv yuav tsis chim mus ib txhis.

Tsuav yog koj lees koj tej kev txhaum tias koj tau fav xeeb rau Yawmsaub uas yog koj tus Vajtswv thiab tau mus nrog lwm haiv neeg tej dab ua plees ua yig rau hauv txhua tsob qab ntoo ntsuab, thiab koj tsis tau mloog kuv tej lus.’ ” Yawmsaub hais li no ntag. Yawmsaub hais tias, “Cov menyuam uas tso kuv tseg 'e, cia li rov qab los, rau qhov kuv yog nej tus tswv, kuv yuav txais nej ib lub moos ib leeg, ib lub xeem ob leeg, thiab kuv yuav coj nej mus txog Xi‑oo.