Tsuav yog koj lees koj tej kev txhaum tias
koj tau fav xeeb rau Yawmsaub
uas yog koj tus Vajtswv
thiab tau mus nrog lwm haiv neeg tej dab
ua plees ua yig rau hauv txhua tsob qab ntoo ntsuab,
thiab koj tsis tau mloog kuv tej lus.’ ”
Yawmsaub hais li no ntag.
Yawmsaub hais tias,
“Cov menyuam uas tso kuv tseg 'e,
cia li rov qab los, rau qhov kuv yog nej tus tswv,
kuv yuav txais nej ib lub moos ib leeg,
ib lub xeem ob leeg,
thiab kuv yuav coj nej mus txog Xi‑oo.