Popular Bible Verses from Salmo 143

Share

Turuan nʼyo akong sundin ang inyong kalooban, dahil kayo ang aking Diyos. Patnubayan sana ako ng inyong butihing Espiritu sa landas na walang kapahamakan.

Bawat umaga, ipaalala nʼyo sa akin ang inyong pag-ibig, dahil sa inyo ako nagtitiwala. Ipakita nʼyo sa akin ang tamang daan na dapat kong daanan, dahil sa inyo ko ipinagkakatiwala ang aking buhay.

PANGINOON, iligtas nʼyo ako sa aking mga kaaway, dahil sa inyo ako humihingi ng kalinga.

Iligtas nʼyo ako, PANGINOON, para kayo ay maparangalan. Dahil kayo ay matuwid, iligtas nʼyo ako sa kaguluhan.

PANGINOON, dinggin nʼyo ang aking panalangin. Dinggin po ninyo ang aking pagsusumamo. Tulungan po ninyo ako dahil kayo ay matuwid at tapat.

PANGINOON, agad nʼyo akong sagutin. Nawawalan na ako ng pag-asa. Huwag nʼyo akong layuan, baka akoʼy mamatay.

Naalala ko ang inyong mga ginawa noong una; pinagbulay-bulayan ko ang lahat ng inyong ginawa.