Popular Bible Verses from Kawikaan 18

Share

Ang salita ng tao ay makapagliligtas ng buhay o kaya ay makamamatay. Kaya mag-ingat sa pagsasalita sapagkat aanihin mo ang mga bunga nito.

Ang PANGINOON ay katulad ng toreng matibay, kanlungan ng mga matuwid sa oras ng panganib.

May mga pagkakaibigang hindi nagtatagal, ngunit may pagkakaibigan din na higit pa sa magkapatid ang pagsasamahan.

Kung nakapag-asawa ka, nakatanggap ka ng kabutihan, at ito ang nagpapakita na mabuti ang PANGINOON sa iyo.

Hangal at kahiya-hiya ang taong sumasagot sa usapan ng hindi muna nakikinig.

Ang taong hangal ay hindi naghahangad na matuto; ang gusto lang niya ay masabi ang nasa isipan.

Ang pagmamataas ng tao ang magpapahamak sa kanya, ngunit ang pagpapakumbaba ang magpaparangal sa kanya.