Popular Bible Verses from Marika 12

Share

Ka Iesu ivona, “Veimea ananina taina. Ka nonova Mosese vonemi deina, ivona, ‘Itomi me Isiraeli unononi. Yaka Yaubada, vivane Kauvea Yaubada a heta‑ohota. Nau‑wawanika Kauvea yaka Yaubada kadune‑nuanuaiei nuaka wayahina, ka ininika wayahina, ka yaka nuanua wayahina, ka kadu yaka bagibagi habuhabuna wayahina.’ Ka kadu aitam veimea ananina taina

E Iesu tauna a tau vi‑muni‑waiwai hone‑hohoni, e vonei, ivona, “Memeanina nuami vi‑tupatupa, kate avonemi, wadaena yai am‑venena‑kavovo tomotau habuhabui yai am‑venena‑kavovo vane‑tawane‑neiei. Iuna tomotaui habuhabui yai tupwa ananina mamaei. Kate wadaena naunau‑yoguna, e yai vitumahana nui avaha yai toea habuhabuna ibou‑yehai. Ka eha aitam yai tupwa ta‑mamae.”

Ka Iesu ine am‑venena‑kavovo a pai vi‑ai wayahina, e mahi‑naona manuena, ka tomotau habuhabui yai am‑venena‑kavovo ivivi‑ai ka Iesu mata‑wapuwapu. Ka kaikaiwabo habuhabui iomomo, e yai am‑venena‑kavovo ananina ibouboui pai vi‑ai nihenina. Ka wadae naunau‑yoguna dudueyei ka yai am‑venena‑kavovo toea ainuata ibouni.

Kadu aituhu Yaubada kadewa‑vidovidohei nuaka wayahina, kadu ininika wayahina, kadu yaka nuanua wayahina, kadu yaka bagibagi wayahina, ka aituhu yaiaka kadewa‑vidovidohei itoka aka heta kadewa‑vidovidoheka aitamoata deina, dewaia vi‑nomu habuhabui kadu am‑venena awawaehina habuhabui vane‑tawane‑neiei.”

Wayahina Iesu vonei, ivona, “Deina. Wayahina avonemi, aviani nau‑wawanimi Sisa V uvenevenei, tauna uvenevenei deina. Ka aviani nau‑wawanimi Yaubada uvenevenei, tauna uvenevenei deina.” Ka Iesu ya nau‑patana wayahina nuai venau‑tamatamana ani‑vainena.