Popular Bible Verses from Mateu 27

Share

Ka vinanavi niwanina wayahina Iesu movina ananina wayahina vi‑hone, ivona, “Oi! Eli, Eli! Lama sabakatani.” Ka a vo‑vina vivane, “Aioi! Yau Yaubada, Yau Yaubada! Aviani wayahina evihahaieu?”

Ka tuta aitamoata wayahina bubuna‑honota vito‑potana a pai bwa' Manua Vito‑pota nihenina am‑yehi‑nuei, vi‑putu hetana ka iopu ipuna. Ka yoyoyo si‑putu, ka hanu anani iam‑vidaha‑neiei. Ka kadu unuvovo habuhabui awai iam‑wae‑neiei, ka tau vitumahana habuhabui nonova inusi, imini‑havine.

Ka Iesu movina ananina wayahina vi‑hone‑havine, e nuana yavuhi, yawaina iakwa.

Ka tau nau‑havia‑naia yai tau eta‑naonao nui Iesu idune‑vi‑avini. Ka yoyoyo idueyei, kadue dewaia habuhabuna ivin'‑omo idueyei. Iakwa, e imatamatauta ananina, e ivona, “Vona ahiahina, onoto taina vivane Yaubada Natu‑hoina!”

Auyewa pouna wayahina a itoava vinanavi niwanina wayahina papani‑nana habuhabuna vi‑novanei.

Akaka Pilate vi‑tanaiei, ivona, “Aituhu deina, medeina adewei Iesu wayahina, tauna ivi‑wahani Tau Ito‑yavuha?” Wayahina habuhabui ikonukonua, “Ai nahenahea etutu‑pwatei!” Kate Pilate vona‑nau‑patei, vi‑tanaiei, “Aviani tauna ya goyona? Avi veimea tana‑bwegei?” Ka yokoia movi natanata, ka ikonukonua, ivonavona, “Ai nahenahea etutu‑pwatei!”