Popular Bible Verses from Luke 11

Share

Avaha anamanemi, yami dewa aitamoata aitamoata eha tunutunuhina Yaubada matana, a? Kate avaha uanamanei, dewa ahiahina udedewei natunatumi wayahi. Wayahina, nau‑wawanimi unuani, Amami wahuma yana dewa ahiahina itomi tanopia yami dewa ahiahina vane‑tawanei. Ka kadu tauna ya nuanua aituhu aviyaivia yai nuanua ananina Nuana Ahihinata ivaniahei, ka aituhu iviamei wayahina deina, tauna yai viamana n'‑awaehei, na‑venei!”

Wayahina, avonemi, viama Yaubada wayahina aitamoata deina. Aituhu uviama, apaina tauna na‑venemi. Aituhu unaunau‑nene, apaina uvaniahei. Kadu aituhu awana bou‑potana wayahina ututu‑keakeana, apaina awana wayahimia n'‑am‑waei.

Vona ahiahina, aituhu aviyaivia iviama toyoina, apaina ivaniahei. Ka aituhu aviyaivia inaunau‑nene, apaina yai nuanua ivaniahei. Ka kadu aituhu aviyaivia itutu‑keakeana, apaina awana bou‑potana wayahia n'‑am‑waei.

Wayahina vonei, ivona, “Avi tuta uviama Yaubada wayahina, uviama taina deina, ‘Amai, eivaiteai am wava asi‑nai, iuna am wava ahihinata. Ka yama nuanua eveimeyeai.

Ka yama goyona enua‑piahi, mani tomotau yai dewa goyona wayahiaia anua‑piahi aitamoata deina. Ka kadu eha enau‑dadaniai ananina.’”

Ka ama ma' ataina wayahina eveneai.

Ka aitamoata aitamoata wayahimia nau‑wawanimi unononi. Nuami lampana V deina, ka ininimi manua deina. Ka nuami ininimi habuhabuna vo‑vi‑mahetei, kadu veimeyei. Ka aituhu nuami tunutunuhina, ininimi habuhabuna mahemaheina. Iuna tuta tuta nuami tunutunuhina vona tunutunuhina n'‑awaehei na‑nuinu nihenimia. Ka aituhu nuami goyona, ininimi habuhabuna novanovanina. Iuna tuta tuta nuami goyona vona goyona n'‑awaehei na‑nuinu nihenimia.

Eha nau‑wawanika lampa V katunu‑mahete, e manua nihenina kahivei. Eha. Aituhu avaha lampa V katunu‑mahetei, nau‑wawanika a pai vi‑ai hetana kaboui, ka taui habuhabui manua inuinu ai pata a maheta idudueyei ahiahina.