Popular Bible Verses from Dewa 2

Share

Wayahina, Pita ivona, “Vavaneiai, aituhu yami dewa goyona wayahia unua‑vinana, e habuhabumi Iesu Tau Ito‑yavuha a wavea avi‑bapitaisoemi. Ka Yaubada yami dewa goyona na‑nua‑tavuni, e Nuana Ahihinata uvaniahei, vivane am‑venena‑kavovo Yaubada wayahina.

Ka tuta tuta taui tau hae‑naia yai viwavenena inonononi, iawaehei, kadu mani tau ekalesia ivi‑yaianei ahiahina. Ka habuhabui nui palaua ipakepakeua iamam pai nuana Iesu wayahina, kadue yai viama Yaubada wayahina iawaehei aitamoata.

Ka Nuana Ahihinata habuhabui nau‑vi‑anai deina. Ka tau hae‑naia ivi‑putu ipuipupu movi tunina tunina wayahia. Iuna Nuana Ahihinata ivaitei idedewei deina.

Ka munia, vi‑aniani ana wava Penitekosi V an' auyewa vin'‑omo. Wayahina, Iesu a tau vitumahana habuhabui inau‑hohona aitam manua nihenina, e imanuena. Ka vo‑kwayavonina aitam duduna inononi wahuma wayahina, wedinia deina. Ka yahina ananina putuna manuana nau‑vi‑anai. Ka aitam amane idueyei ana dune ai yabeyabena deina, Ka ai‑nana tana‑vewani, e omo aitamoata aitamoata wayahia, e ununuia itoha. Ka Nuana Ahihinata habuhabui nau‑vi‑anai deina. Ka tau hae‑naia ivi‑putu ipuipupu movi tunina tunina wayahia. Iuna Nuana Ahihinata ivaitei idedewei deina.

Wayahina, auyewa aitamoata aitamoata wayahia taui nui itapanono Manua Vito‑pota a pai nau‑hohona nihenia. Ka kadu taui yai manua nihenia palaua ipakepakeua iamam pai nuana Iesu wayahina, ka kadu yai dewa‑haiawa nui kadu yai nua‑opu nui inau‑hohona, e ai ma' iamam. Ka tuta tuta Yaubada iawa‑davedavei. Ka yoko habuhabui tau vitumahana‑naia yai dewa iawa‑vidovidohei. Ka auyewa aitamoata aitamoata wayahia tupwai tomotau ito‑yavuha ivaniahei. Ka Kauvea tomotaui tau ekalesia ai yau wayahina vi‑nuia, ka ekalesia ai yoko natanata deina.

Iginumana ivona deina, ‘Yaubada ivona, “Apaina, tuta a pai nau‑yehata wayahina, yauke Nuau ana‑ito‑iwahi tomotau habuhabui wayahia. Ka natunatumi ononotoi kadu vaivinei in'‑apa‑taputapu, ka yami tupunata ina‑ino‑dunedune, ka ononotoi ivi‑nainai yai ava in'‑epei.

Ka tau vitumahana imamaei yoko, ka inuanua aitamoata. Wayahina, yai gugua iawaehei vivane tomotau habuhabui yai gugua, ka ivo‑patai deina. Ka aituhu tupwai wayahia payapayaya, akanai yaiai tupwai yai tanopi o kadi yai gugua iaimwaneyei, e patana ivenevenei tau payapayaya ividoha deina.

Ka aituhu aviyaivia Kauvea ivitumahanei, ka aituhu taui tauna ana wava ivivi‑hone, akanai taui ito‑yavuha ivaniahei akanai.” ’

Apaina iaiaya avevewanei wahuma, ka tomotaui idudueyei nuai vi‑tupatupa wayahina. Vivane babau vi‑novanovana, ka wahava ana dune yabebenina, vi‑dayaha deina. Ka kadue iaiaya avevewanei tanopia, dayaha deina, ka ai ananata, ka kadu bawa badobadona. Ka iaiaya‑naia ina‑iakwa, munia Kauvea yan' auyewa vin'‑omo. Ka auyewana vivane pai matauta ananina tau ma' tanopi wayahi. Ka Kauvea tauna didigana na‑si‑vin'‑omanei, e tomotau habuhabui idudueyei.