Popular Bible Verses from Mak 11

Share

Misak ni, nabiteni mi xamim xa melele xa musis ve neta ngan e muneket en xa mei muhuri reitin, ma Hi isa ni mi xamim.

Reitin li nabiteni mi xamim, xosxa tei e xamim isemae ni vathu ak ihit, ‘Umea uhe reling voninom e ha uhe tas,’ e mutanem male ni ti naha xa di musisi, ma istal ihe reitin. Hi ipol ni e rin namim.

“E melele xa tei e xamim di misoh e misis, e minem neta tei xa misa xa moletin sav pol ni mini, iling ekaten nan iti e iketeh ihos rilomun mi moletin ak. Imak, ma Hi Tamemim mun xa de ut nesao iketeh ihos mini ve neta tesa xa xi pol ni.”

Iesu bit rilomun ni mi xil bit, “Muling neketen namim e Hi.

Iesu pispisi mi moletin xil bit, “E Vanuvei Eo na Hi, latetisi latehit, ‘Likes nim mavan ni nim te sisen na moletin xil te kantri xil vus.’ E xamim mupol ni sung mei be ‘nim ma vati kanen xil.’”

Holu e vanut moletin xil ak xa di ladiamu ni Iesu del ngan xil xa di langgusili ladutou, xil di lakei nggeih labit, “!Ripet rat his Hi! !Tuxolxatien iti mi ngan xa di bemei e his Iahova!

!Hi Suv ituxol xat xi xa di bemei tengan ilaxat xir ixoni ngan xa suv toto Deved tetiamu tepol ni! !Ripet rat his Hi xa de ut nesao!”