Popular Bible Verses from Matiu 27

Share

E melele xa haoa xatel ak mei lattavi, Iesu mikei nggeih nggo sepinien xati nan xa be Arameak bit, “!Ilae! !Ilae! ?Lama sabaktani?” Koute te sepinien ak be, ‘!Hi navan! !Hi navan! ?!Veneh ma ostokovein nou!?’

E melele nen ak vari, kaliko xa mettel xa lalihi dakoe xol ut eo tei e Nim Eo, mesel be rin lu, nggo kusute nesao bemei duxoh kusute etan. E lul tei milil, hat xil mahoe e misak ni von tehinen xil lamahoe e mangang dit mak. E moletin na Hi xil holu xa latelel lateti en, xil lamea rilomun ra maten.

Di, Iesu mikei nggeih vatei mun, milihi kor ni votiang, di, mat.

Melele xa vat na moletin xil te vaeen del moletin nan xil xa di lateketeh xol Iesu lalong lul ak e lapus holesok xil ak testal, ulixil mikan pupu. Xil labiteni labit, “!Reitin li, ngan ak tehe Nat Hi vari tang!”

E piniae, maluxoluken mei da xol ut xil ngasen e dat mak duxoh haoa tol (3).

Ma Paelet misis xil mun bit, “?Xosxa imaxai, ma nipol ni naha mi Iesu xa lakesi ni Mesaea?” E xil vus lakei be nesao labit, “!Ti xati e eivave!” Di, Paelet misis xil mun bit, “?Veneh? ?Xi pol ni naha misa?” E lakei nggeih pilei sung labit, “!Ti xati e eivave!”