Popular Bible Verses from Matiu 6

Share

Mot in sisio mugu sur anun a matanitu ma anun a tokodos na petutna, ra in tabor mot kai nama kum utna rop ri.

I mo ra gong mot nuknuk doko sur a bung markan, uni markan in nuknuk ut suri. A ninunuk sur ara bung taktakai i topasi ut a bung ra.”

“I mo ra a watungi tamot lena, gong mot nuknuk doko una numot a nilaun sur asau mot in nani, ma asau mot in inumi. Ma gong mot nuknuk doko una pinimot kai sur asau mot in emar nami. A nilaun i labo taun a utna na inangon, niko? Ma a pinindi kai i labo taun in namalu, niko?

Ikut ui, ra un wararing, un ruk una num a rumu ma un tagar bat pas ui, ma un wararing torom o Tamam ra kataio i tama i. Ma o Tamam ra i tama a utna ra u pam eno i, in pitar anum a ikul.

“Mot in wararing lenri, ‘Tamamet sapat netes una langit, i wakak ra din ru a risam. I wakak ra anum a matanitu in nanpat. I wakak ra din mur anum a nemnem nin una rakrakon bual, elar nami ra di ser muri sapat netes una langit.

A bung ri un tabor met nam amet a utna na inangon.

Un unus ru anumet a kum sakino petutna, elar nam met dumano ru anundet a kum sakino petutna torom met.

Gong u ben met una ululam. Un ulaun met gusun a Tene Sakino.’

“Ra mot in dumano ru a kum sakino petutna ra a taro det pami un mot, a Tamamot, ra i kis sapat una langit, in unus ru anumot a kum sakino petutna kai.

Mot in tama a kum piko. Ka det marut tu utna, ma ka det pasong tomo lako utna, ma ka det umubek tomo un tu rumu, ikut a Tamamot ra i kis sapat una langit, i ser tabor det. Ma mot, mot labo doko taun det.

“Gong mot ubek tomo a kum wakak na ululeng nin upiso, uni a koropos ma a moroto der in ban laulau ru det kut, ma a kum tene wolong kai det in rege pas anumot a kum rumu ma det in los a kum ututna. Mot in mur a kum tokodos na petutna sur in elar nama wakak na ululeng sapat una langit, uni a koropos ma a moroto ka der in ban laulau i, ma a kum tene wolong kai ka det in wolong lar pasi. Uni a nubual ra anum a wakak na ululeng i kis iai, anum a nilaun rop in kis uni.

“Katutaio in pet lar pasi sur in papam torom lako ru mugumugu. In nget ara pasander, ma in nem ara pasander, in nem doko ara, ma in rosumur gusun ara. Ka mot in papam lar pas torom o God ma torom a mani kai.

O God i mar a kum wuliso sa ubual nama kum wakak na purpurindet, ra i puspus uniri, ra markan din tun ru i una sungun. Ra i pami lenra una kum wuliso, pepetlai, ken mar mot kai? Anumot a nurnur i natino doko.

Ra un tabor a kum sibo na taro, gong taio i tasman a utna ra u pami, un pam eno i kut. Ra u pami lenra, o Tamam ra i tama a utna ra u pam eno i, in pitar a ikul tam.

“Mot in tumarong mot sur gong mot pam anumot a wakak na pinapam umatan a taro kut, sur det in tama i ma det in watung ulabo pas mot. Ra mot pami lenra, katu ikul anumot tan a Tamamot ra i kis sapat una langit.

“Ra mot in wewel sur mot in wararing, gong mot tamtama na marmaris elar nama kum tene torotoro, uni det tamtama na marmaris sur a taro det in tama i lena det wewel. A inanos mot nama lingmulus, ra a taro det ulabo pas det lena det a kum tene lotu mulus, i ut ra anundet a kudulano ikul. Ra un wewel, un kom in lorim, ma un gos in masarim, sur gong a taro det tasmani lena u wewel. O Tamam kut, ra kataio i tama i, in tasmani. Ma o Tamam ra i tama a utna ra u pam eno i, in pitar anum a ikul.