Popular Bible Verses from Matiu 24

Share

A marmaris anun lako susut in rop, uni a kum sakino petutna in labo nanan. Ikut osi ra in tur dekdek tuk anun a nilaun in rop, o God in ulauni.

Din warawai nama Wakak na Wasiso una matanitu anun o God torom a taro tagun a rakrakon bual rop, sur a wasiso talapor in nan torom a taro tagun a kum gapman rop, ra numur a ururop na bung in nanpat maragom.

Mot in longoro a kum inaim ma a kum inarang na inaim, ikut gong mot lai taru. A kum utna lenri det in nanpat, ikut a ururop ina rakrakon bual kura utmakai.

A kum kabotaro det in tur na inaim torom a kum se kabotaro, ma ara gapman in tur na inaim torom ara gapman. A kum lamlabino munurak, ma a kum guri in nanpat una kum tamon. A kum utna rop ri, i elar nama kum mugano ngunungut, ra i ser wanpat una ino ra i ling na usus.

A langit ma a rakrakon bual der in rop, ikut anung a kum wasiso ken rop.

Uni a susut na taro det in nanpat nama risang, ma det in warango det lena, ‘Iau a Karisito,’ ra det in toro lako susut na taro.

“Kura numur, din pitar mot sur din ban laulau mot, ma din um doko mot, ma a taro tagun a kum gapman rop det in nget mot, uni mot anungi. Una kum bung ra, a susut det in nan gisen gusun a nurnur. Det in pitar etetalai det torom a kum ebar, ma det in nget etetalai det. A susut na torotoro na poropet kai det in nanpat, ma det in toro pas a susut na taro.

O Iesu i balu det lena, “Mot in tumarong, sako taio in toro pas mot.

Mot kai, mot in koikoi taru, uni a Nutun a Musano in nanpat una du bung ra ka mot nuki lena in nanpat uni.

“I mo ra mot in tumarong, uni ka mot tasman a bung ra anumot a Labino in nanpat uni.

“Katutaio i tasman a bung o a du bung ra a kum utna ri in nanpat. A kum ensel sapat una langit ka det tasmani, ma o Nutunu kai ke tasmani, o Tamano sot kut i tasmani.

Uni lako kum torotoro na Karisito, ma lako kum torotoro na poropet det in nanpat. Det in pam lako kum labino ukinalong ma lako kum utna na ukisin sur det in toro pas a taro ra o God i sa pilok pas det, raut ko det in pet lar pasi. Ikut ka det in pet lar pasi.

A inawan pat melet anun a Nutun a Musano, in elar nama kum bung anun o Noa. Una kum bung ra in nolomom ke wanpat utmakai, det wangon, det inum, ma det unolin det, tuk una bung ra o Noa i kas una sip. Ma ka det tasman asau ra in nanpat, tuk in nolomom i wanpat, ra i los rop ru det. In lenkutkai ra una inawan pat melet anun a Nutun a Musano.