Popular Bible Verses from Matiu 10

Share

“Tama i, a tulu ru mot elar nama kum sipsip epotor tan a kum ngalngalia na pap. I mo ra mot in mananos wakak elar nama kum sui, sur gong taio i ben raro mot, ma mot in tokodos elar nama kum tabun, sur gong taio i takun mot.

Osi ra i maris bat anun a nilaun, in iru, ma osi ra ke maris bat anun a nilaun uni i tagun iau, in laun.

Gong mot ngaran det ra det um doko i kut a pinindi, ikut ka det in um doko lar pas a niondi. Mot in ngara sur o naro ra in pet lar pasi sur in ban laulau a pinindi ma a niondi kai una labino sungun.

Osi ra ke rakon pas anun in nanai kutus sur in mur iau, ke topasi sur i anung a nat na ususer.

“Osi ra in watung puaso i umatan a taro lena, i tagun iau, iau kai an watung puaso i umatan o Tita ra i kis sapat una langit lena, i tagun iau. Ikut osi ra in ipul ru iau umatan a taro, iau kai an ipul ru i umatan o Tita, ra i kis sapat una langit.

Mot in ulangolango pas a kum misait, ma mot in ulaun pas a kum minat, mot in ulangolango pas a kum lepra, ma mot in lakro ru a kum laulau na nion. Di tabor oros mot kut, lenkai ra, mot in etabor oros kut.

I mo ra gong mot ngara, uni mot labo sakit umatan o God, taun a susut na piko.

“Gong mot nuki lena a wanpat sur an pitar a malmal una rakrakon bual. Awu, ka wanpat sur an pitar a malmal, a wanpat namin totok na inaim.