Popular Bible Verses from Luk 7

Share

I mo ra a watungi tam lena, anun a labino marmaris torom iau i ese i lena, o God i sa unus ru anun a susut na sakino petutna. Ikut osi ra o God i unus ru i kut anun a nat na sakino petutna, anun a marmaris kai in natino.” Ra o Iesu i watungi tan a ino ra lena, “Di sa unus ru anum a kum sakino petutna.”

O Iesu i watungi tan a ino ra lena, “Una num a nurnur ut, di sa ulaun pas ui. Un nan nama malmal.”

Ma i tur taru numur tan o Iesu, nisan aru kikino. I tangis, ra a lurlur na matano i puku una ru kikin o Iesu, ma i wus der nama iwu na lorino, i gom der, ma i lingis in nopolo sangsangnain un der.

Ka nuki kai lena a tokodos sur an nan torom ui. Ikut, un watung tu wasiso kut, ra anung a tultul in langolango. Uni iau a musano ra a ser mur a warkurai anundet ra det labo tang, ma di pitar tar a warkurai kai tang sur an warkurai sur a taro na inaim. Ra an watungi tan taio lena, ‘Un nan,’ in nan kut. Ma torom taio kai lenri, ‘Un nan urin,’ in nan kut urin. Ma torom anung a tultul lena, ‘Un pam a utna ri,’ in pami kut.” O Iesu i longoro anun a wasiso, ra i kisin doko uni, ma i tupukus torom a taro ra det muri, ra i watungi lena, “A watungi tamot lena, ka tama tar tu te Israel ra anun a nurnur i labo elar nama musano ri.”

Una du bung ut ra, o Iesu i ulangolango pas a susut gusun anundet a kum ngunungut ma a kum misait, ma i lakro ru a kum laulau na nion gusun det, ma i utamtama pas a susut na pulu. Ma i balu der lena, “Mur in milet melet, ma mur in inanos o Jon una sau ri mur sa tama tari, ma mur sa longoro tari: A kum pulu det sa tamtama, det ra a kikindet i mat det sa wan tokodos, a kum lepra det sa langolango, a kum kutkut det sa longoro, a kum minat det sa laun, ma di warawai nama Wakak na Wasiso torom a kum sibo na taro.