Popular Bible Verses from Jon 14

Share

A pitar a malmal torom mot. Anung a malmal ra, a tabor mot nami. Ka tabor mot elar nama rakrakon bual i etabor. Gong a balamot i mamaut, ma gong mot ngara.

O Iesu i balu i lena, “Iau a kisapi, ma iau a lingmulus, ma iau a nilaun. Kataio in nan torom o Tita un tu kisapi gisen, un iau kut.

O Iesu i watungi tandet lena, “Gong a balamot i mamaut, mot in nurnur un o God, ma mot in nurnur kai un iau.

A Tene Warut, a Tokodos na Nion ra o Tita in tulu ru i una risang. In ususer mot una kum utna rop, ma in unuk tar mot melet nama kum wasiso ra a sa watung tari tamot.

Osi ra i utur ukai anung a kum warkurai ma i muri, i ra i nem iau. O Tita in nemi, ma iau kai an nemi, ma an ese iau toromi.”

Ma an saring o Tita, ra in tulu ru ara Tene Warut bulung torom mot, sur in kis tukum torom mot. I a Tokodos na Nion, ra in upuaso a lingmulus. A taro tagun a rakrakon bual ka det in nemi, uni ka det in tama lele i ma ka det in tasmani. Ikut mot, mot tasman a Tene Warut, uni i kis tomo nam mot ma in kis un mot.

Ma a kum utna rop ra mot saringi nama risang, an pam sot pasi, sur o Tita in los a minamar un o Nutunu. Ra mot in sasaring sur tu utna nama risang, an pam sot pasi.

“Ra mot in nem iau, mot in mur anung a kum warkurai.

A rumu anun o Tita, a susut na kukur rumu kura uni. Ma ra awu, an inanos mot ut uni. An nan sur an waninar tar a dino sur mot.

Ra a sa waninar tar a dino sur mot, an milet melet, ma an ben pas mot torom iau sur mot kai mot in kis una tamon ra a ser kis iai.

O Tomas i watungi tano lena, “Labino, ka met tasman a tamon ra un nan suri, ra met in tasman petlan a kisapi suri?”