Popular Bible Verses from Romo 9

Share

Akumunga, yombo sene ‘Pulu Yemone na ‘yunga yombomo’ nimba taltopili.’ konopu lemómonga Pulu Yemone ‘yunga’ nimba naa taltolemo. Molo yombo sene ‘Na nimba taltopili.’ nimbale kála sepa ungu selemo akuma kanopa nimba naala taltolemo. Pulu Yemone yuyu, yunga kondo kololemo akumuni mindi aku selemo.

Aku ulumunga Pulu Yemone Mosisindu nimbale: “Nane nanu yombo se ˻sepa kinjimba kinia kanopole˼ ‘Kondo kolopo ‘Mindili naa nopili.’ nimbú.’ konopu lembo yombomo kondo kolopo ‘Mindili naa nopili.’ nimbú. Nane nanu yombo se ˻umbuna pemba kinia kanopole˼ ‘Kondo kolopo lipu tapondombo.’ konopu lembo yombomo kondo kolopo lipu tapondombo.” nirimu.

˻Aku nilkala˼-na-kolo mana-yombo nawene Pulu Yemone ulu selemomanga “Seko kinjikinu.” nimba iri tombaye? Yombo sene mélse sepa wamombá kinia kanu mélemone yombomondo “Na nambi semu-na aku siku seko wamokonoye?” nimbá kinia papuye?

Akumunga, ˻kiniá olio pilielemolo:˼ ‘Pulu Yemone ‘Yombo se kondo kolombo.’ konopu lemó yombomo sika kondo kololemo. ‘ ‘Nanga ungumu naa pilipa kála sepa molopili.’ nimbú.’ konopu lemó yombomo sika aku sipa molemo.’ ˻nimbu pilielemolo˼.

Mamone mingi sepa wamolemo ye sene mingi talo sepa wamopale ulu awili se wendo ombá kinia kongono simbando mingi peanga se sepa wamopa, we-walemanga kongono mingi se sepa, aku selemomo peanga naa selemoye? ˻Akumu yunga konopumuni pilipa selemo.˼