Popular Bible Verses from Lluku 11

Share

Pe ono kiri-kiri molemele yombomane aku siku ononga bolangoma méle peangama silimili liemu, ononga mulu-koleana molemo Lapamone ˻méle paa olandopa simbamo.˼ Yombomane yundu “Mini Kake Sélimu olionga konopuna omba pepili si.” ningu mawa senge yomboma yuni ono simba lingí.” nirimu.

Aku selkamonga ono ˻nanga lombili andolima˼ndo ungu se pea nikirula: “˻Lapa, Mulu-Koleana Molemo Yemo,˼ mélema mawa seko “Si.” niengi. Aku senge kinia mélema sika simba lingí. ˻Lapa molemona˼ mélema korangi. Aku senge kinia mélema sika kanoko lingí. Ulka-kerepuluna gilku “Sukundu wamili.” niengi. Aku ningí kinia “Sukundu waa.” nimba ulka-kuna lindimba.

Mawa senge mélema sika simba lingí, koronge mélema sika kanoko lingí, “Sukundu wamili.” ningí kinia sika ulka-kuna lindimba. Aku sembá kene aku saa.” nikiru.

˻Aku sipa nirimu kinia pilipale˼ Yesusini onondo nimbale: “Ono Pulu Yemo kinia ungu ningíndu i-siku mele niengi: “Tata, yombomane ‘Nu imbi ola molopa, ye kake seli peangamo moleno.’ ningu molangi. Nu ye nokoli kingimu molko yomboma nokoni walemo wendo opili.

Yombomane olio seko kinjilimili kinia siye kolopo ungu se naa selemolo kene olione nu sepo kinjilimulu kinia nuni aku sikula siye kolko olio ungu se naa seyo. Olio ‘Ulu sene kondi topili.’ naa nieni.” ningu aku siku niengi.” nirimu.

Kiniá kepe pe alieli kepe olio nomolo kere-langima siyo.

Nunga mongomo nunga kangimunga sepe-llame mélemo. Aku kene nunga mongo peanga gilimú kinia nu kangi pali pa sepili moleno kinia nu molko kondoleno. Aku-sipa na-kolo nunga mongomo kiri lemba kinia nunga kangi pali simbulu topili andoni.

˻Aku nimbale Yesusini ungu se pea nimbale:˼ “Yombomane sepe-llame kandokole loyakolona naa taltoko, mingina sukundu naa taltokole nilimilimuni, ‘Ulkana sukundu pa sepili. Yombo ongema kolea kanangi.’ ningu polona ola taltolemele.” ˻nirimu.˼