Popular Bible Verses from Luk 3

Share

Loriŋ aJon len naim bǝbaŋis a tahw, be nǝboŋ nǝvanuan gail p̃isi lotobaptais, aYesu am ibaptais. Nǝboŋ aYesu tosor mai aGot, nǝmav esǝŋav, aNunun aGot evi pan tokad niben sum̃an nǝtav, itav len aYesu, ale nadoldol egǝm len nǝmav ke: “Gaiug govi anatugw ulum̃an sagw notolǝmas bun gaiug, nohǝhaṽur masuṽ hǝn gaiug.”

Ale aJon isor var galit p̃isi ke, “Nubaptais hǝn gamit hǝn nǝwai ŋai. Avil avan sua todaŋ sǝhor ginau satogǝmgǝmai, ginau novi ut kǝmas ŋai, nǝsanor kasi hǝn nǝb̃isah rub̃at nǝhau hǝn naributbut san. Gai dereh tibaptais hǝn gamito hǝn aNunun aGot mai nǝhab.

Len nǝmauran samito, mitiṽan hǝn naṽite tinor hǝn nǝpairan samito dan nǝsaan. Ale samtetub̃at sor mai gamit gabag ke, ‘Asike datupanis husur aApraham evi atǝmadato ta sutuai.’ Husur nukel mai gamit ke aGot elǝboi b̃ilav nǝvat galegai ale gol ke legǝm vi pasusan siApraham!

AGot esum̃an naulum̃an toutaut tia hǝn b̃itai nǝkadhuhai gail hǝn nakuvkuv; nǝhai p̃isi lǝsǝṽan hǝn naṽit tovoi, gai dereh titaii, bubulan gail vi lan nǝhab.”

Ehum ahai kelkel ur aIsaiah totosi sutuai tia husur aJon ke: “Nadoldol sua satokai len naut masmas tob̃ǝb̃esw, ‘Mǝteutaut hǝn nap̃isal m̃os Nasub̃, gol nap̃isal san gail linor, dereh nab̃ur madiŋdiŋ gail p̃isi tepul, naṽehuh gail p̃isi tipapav, nap̃isal tohab̃ taṽor tegǝm tinor mai nap̃isal tokutkutu temǝsoh balai. Ale nǝvanuan gail p̃isi leris lǝboi nap̃isal hǝn nǝ-lav-kuvi-an dan nǝsaan salito, aGot togolgole.’”