Popular Bible Verses from Matyu 14

Share

Ammi gafu ta nagliplipay hapa ta kasikan na paddad a kima-ma la nagtalaw a namegafu lumammad, a nagayag na, “Ikerutan nak O, Afu,” kunna. A alistu tina-mak ni Hesus ta kamat na en. “Kuga assang la ya pangikatalak mu. Anu haman ta pinagduwaduwam ya nonot mu,” kunna hapa tentu.

Ammi gafu ta nagliplipay hapa ta kasikan na paddad a kima-ma la nagtalaw a namegafu lumammad, a nagayag na, “Ikerutan nak O, Afu,” kunna.

Ammi alistu hapa i Hesus nagayag tekid, “Awemuy la magtalaw te iyakin yan,” kunna.

“A am kakurugan ta iko, Afu, a ayagan nak hapa sina, te magpa-yatak hapa ta danum,” kunna hapa ni Pedru. “On, e ka mantu sin,” kunna ha ni Hesus tentu. A dumagut mantu i Pedru ta selayagen, a nagpapa-yat hapa ta danum kumin te Hesus.

A ya kadwan kiden hapa ta selayagen a pake dinayawan da i Hesus. “Kakurugan kad, Afu, ta iko ya Anak na Namaratu ewan,” kunda.

“Maski aweda mina magtugut, te ikamuy mina ya mangatad ta kanan da,” kunna hapa tekid. “A on ay, ammi intu la itta sin ya lima na pan ikid na dwahukal na dalag,” kunda hapa.

“A alapan muy kid mantu sin,” kunna ha, otturu pinagtuttud na ya tolay kiden ta kakaddatanen. A tentu en nanggawat ta lima kiden pan ikid na duwa kiden ikan a tumangad hapa ta langit petta pakimallak na ya kanan da. A sangaw ginadgadwa na ya pan kiden ikid na ikan kiden, kapye na kid negawat ta ituldu na kiden petta ikid ya mangisaned ta tolay kiden.

A sa nagkakan kid abat ta nabattug kid. A tekid na nabalin nagkakan a pinannu da ya mafulu duwa na la-ba ta huna na tolay kiden.