Popular Bible Verses from Genesis 15

Share

Nemenal si Abram te Timanem, aw yan se doun te mig-aneng-aneng se Timanem te metòlid sikandin.

Penga niyan, migpekità se Timanem diyà ki Abram, aw minikagi sikandin, “E Abram, ikà egkelemitan. Siak se megkelasag kamno amon eked ka peelegi. Ontò dakel se ontong ibegay ko diyà kamno.”

Inibing te Timanem si Abram doton te lowà te balay, aw minikagi sikandin, “Lengag ka den doton te langit. Pegbilang ka te menge bitoen aw mebatog nikaw. Iling kenyan se kedita te menge bowad-bowad nikaw.”

Penga niyan, minikagi se Timanem diyà kandin, “Kenà si Elieser se meketig-apò te kedònan nikaw, so kamno batà meama se meketig-apò te kedònan nikaw.”

Minikagi se Timanem diyà kandin, “Metoman meg-ogpà se menge bowad-bowad no doton te tanà tinig-apò te menge doma otaw te sebad pongan. Kelimahan dan aw ellangen dan te doma otaw taman te epat gatos se omay.

Meneng minikagi si Abram, “E Timanem eglowan diyà te kedita, wedad palos ibegay no diyà kanak mekebegay te keluba te pedowan ko dalem te wedad batà ko. Aw matay a, metig-apò i Elieser tege Damasko se kedita te kedònan ko.

Te delem sìyan, migpakang se Timanem diyà ki Abram, kagi din, “Ibegay ko diyà te menge bowad-bowad nikaw se kebelad te tanà seini. Lekat te wayeg doton te Ehipto taman te dakel wayeg te Yofritis, yan se tanà ibegay ko diyà kandan.

Penga te peg-ogpà te menge bowad-bowad no doton te doma ogpeanan taman te ikeepat kebelikwat se pamilya megpetondogay, molì dan dini, so gayed dogangan te menge otaw Amori se peg-inang dan te salà igsà keilangan ipelumun ko dan.”