Popular Bible Verses from Ann Bokwakwarin 39

Share

BADA on Joseph bisinai imama on mes iyamai an bobo on engon obis totoris wat ifofour. On an bada Egypt orot an goai imama

On mes Potiphar on Joseph itutumai ato an sawar engon on ibinoanai on iyabonai Joseph an baibad babanai on ikakaifaren ato on men aifain tani ibinonotai on. Baise on toun on bayu mamaba inam inatom an eta wat on ikakaifarai. Joseph an itin on obin a ann iman irou irat.

On mes fafatum goa an bainetewar orot on Joseph irubinai ato baibad itai fafatum yangan fani a bobo engon ato fafatum goa amonai on ikakaifaren.

Ato on an orot iyafares Joseph sifatumai ato fafatum goai siwan, menan aiwab orot an fafatum sabu simama nan. Ato Joseph min on nan ima. Baise BADA on Joseph bisinai imama a ibimomoginai on mes fafatum goa an bainetewar orot Joseph itai on nunuan iboai.

Ato wera men weromin gibunai, on an bada awan jever ibosuruf Joseph igogoi ai ato iyawur rus siten mes. Baise Joseph men igogoi ato an bada awan jever iyawur iyau, “Etei. Om unsagob on yau au bada orot itutumeu go amonai sawar engon tutufin yau au baibad babanai iyein akakaifaren, on mes goa amon an bobo on men tani ebinonotai on, yabin yau on nin. Yau au baibad atonio goa amonai on, on rui fofon, mat on men aifan sofafar tani auriu iyein on. Ab bobo kaitamom wat men ibiteu on om, yabin om on au bada orot awan. Yau men fofonin on bobo komasin nanaba aniyamai ato God matanai arimon anbokomas.

Baise ra kaitamom Joseph irui goa amonai an bobo itabo mes. On werai nan bobo orot on men iyafan tani on bobo efanai. Potiphar awan on Joseph an beberai ibo ato iyau, “Om enat rut tanen.” Baise Joseph on jever iman iyaskou ato goa emon iyayai igat ato jever on Joseph an beber wat on ibotan.