Popular Bible Verses from Ñwaè' Ruêm 6

Share

Blà' efa buu bbebep yu rkwe, rfa ce Nyʉ̀ ce fa nè bèe à cicì à ba ryòŋ ce nfesè ce sèe à koni njobè' sèe yu àbee sèe Jisos Krǎis ce e yu Tata nè sèe.

Buu bbebep be kèr tʉr ŋger mbe wěe ndù ka' njobè' wèe ker bii njeptii mncir ka', wèe yu ba njeptii rbǒŋntee Nyʉ̀.

A tuŋ sèe Jisos Krǎis wèe àbee à bàptir ce a m bàptir sèe nà, yi ba enɛ sèe wowèe à kweŋger àbee. A m gèe enɛ sèe wowèe kweŋger àbee tɛ sèe bo koni ryòŋ, gèe ba ŋgěe fi àmbò Jisos Krǎis à m fʉʉ efa rkwe à ŋger Tàr Nyʉ̀, a koni ryòŋ foŋ nà.

Wèe fa mà'shi tɛ ŋgʉ̀' mò' efa yè nyor kʉti ba yuu ce wèe be ce gèe buu bbebep àgho ka'. Fa nè yè nyor ba nè Nyʉ̀ àmbò bèe ce a kweŋger, a kʉti btèe. Mà'shi nè tɛ yè nyor wɛɛwɛ ba ba yuu ce Nyʉ̀ be ce gèe mfǎ' myɛɛnì àgho.

Sèe rìŋ seenɛ à m ba à nfè' ce a m taa Krǎis mbe kìntaa nà, a m taa njɛ̀ɛ ŋwɛ̀ ce sèe à m ba nà mbo foŋ tɛ a bo yʉ yìsèe nděe mbembep, fà dì' sèe bo kèr ba bkwàa nè buu bbebep ka'.

Banɛ wee wèe foŋ à ba yɛ wee mnyor àmbò bèe ce a kweŋger, yuu bebep yi ker ce gèe yuu mo' nè wèe ka', wèe à ce cu sè'ni wèe Nyʉ̀ wèe njobè' wèe Jisos Krǎis wèe yu àbee.

Sèe be ka' làa seekɛ sè'ni? Wà' yi yu enɛ sèe be kù ce gèe buu bbebep tɛ bèe a bo yɛ rbǒŋntee Nyʉ̀ gòr a? Àde' yi ba wa' ka' koo mʉcàr. Sèe yu àmbò bgʉ̌ʉ bèe ce àde' buu bbebep ker gee yuu mo' nè sèe ka'. Àde' sèe ker ce gèe buu bbebep à njɛ̌ɛ kɛ?

Mbò wèe rìŋ enɛ wèe à ka' fa wêe mnyor nè ŋwɛ̀ tɛ wèe bo ce yu'ni nè ŋgàŋ àmbò bkwàa wa'a, banɛ wèe yu bkwàa nè ŋwɛ̀ ce wèe ce yu'ni nè ye anà a? Wèe à ka' fa wêe mnyor à rgèe buu bbebep, wèe ba bkwàa nè buu bbebep, sɛ' efa gho à ba rkwe. Wèe à ka' fa wêe mnyor à rgèe ŋgèe ryu'nì, wèe ba bkwàa nè ŋgèe ryu'nì, sɛ' efa gho yu enɛ wèe be ba byɛɛnì à bsii Nyʉ̀.

Sèe yoŋshi Nyʉ̀ njobè' wèe ce wèe à m ba bkwàa nè buu bbebep, à m kupse, a yu'ni ba nè ryɛ'nì ce a m yɛ'ni wèe nà nè ye ntee wɛɛwɛ. Wèe à lùŋ efa buu bbebep, a ba bkwàa nè ŋgěe yɛɛnì.