Popular Bible Verses from Ñwaè' Ruêm 3

Share

njobè' bèe wɛɛwɛ a gèe buu bbebep, a sɛ efa fòo ce yi lò ese Nyʉ̀. Nyʉ̀ à tʉr wowèe à ntee bòŋboŋ, a gee wowèe à ba byɛɛnì a yě bsii. E m gèe wa'a nè wowèe à cicì. Jisòs Krǎis a ŋwɛ̀ ce e m gèe enɛ yi ba wa'a, a tee sèe efa ŋgɛ'.

Njɛ̀ɛ njì ce Nyʉ̀ ce gèe bèe a ba byɛɛnì yu ba à rbyemi nè Jisos Krâis. Njɛ̀ɛ njì ca yu nè bèe wɛɛwɛ ce a ka' byemi, ŋwɛ̀ mò' ker ba jɛɛ ka'

Nyʉ̀ à m fa ye tɛ e bo ba àmbò mbʉ taŋshì wa'a, tɛ li rkwe li bo gèe tɛ Nyʉ̀ foosi bèe ce a byemi nè ye. Nyʉ̀ à m gèe wa'a, tɛ e bo dùŋshi nè bèe enɛ e yu ŋwɛ̌ nyɛɛnì, njobè' à m ba entombì, e kur ntee a fuse efa buu bbebep ce bèe a m ce gèe. À ka' ba sè'ni na e duŋshì bèe enɛ e ce gèe buu à njǐ yɛɛnì tɛ bèe a bo rìŋ enɛ e yu ŋwɛ̌ nyɛɛnì, a ker gee bèe ce a byemi nè Jisos Krǎis a ba byɛɛnì foŋ.

Ŋwɛ̀ mò' yu ce e lɛ̀ mncir wɛɛwɛ tɛ Nyʉ̀ bo làa enɛ ŋgàŋ yu ŋwɛ̌ nyɛɛnì ka'. Yuu ce mncir vi gèe yi yu enɛ vi gèe bèe a riŋ buu bbebep.

Yi ku ba àmbò a saŋ mbe Ŋwǎ' Nyʉ̀ enɛ̂, “Ŋwɛ̀ mò' yu ŋwɛ̌ nyɛɛnì à bsii Nyʉ̀ ka', ka' ŋwɛ̀ mò'sir. Ŋwɛ̀ mò' yu ce e rìŋ buu Nyʉ̀ ka'. Ŋwɛ̀ mò' yu ce e ce kòŋ à rrìŋ Nyʉ̀ ka'. Ŋwɛ̀ wɛɛwɛ à bèesi njì nè Nyʉ̀. Wowèe wɛɛwɛ a kʉti buu bcicì. Ŋwɛ̀ mò' yu ce e ce gèe yuu bòŋboŋ ka', ka' ŋwɛ̀ mò'sir.

Wèr à làa wernɛ ŋwɛ̀ yu yɛɛnì à bsii Nyʉ̀ ce ŋgàŋ ka' byemi; ca yi tʉr yuu mo' à rgèe nè mncir ka'.

Àde' yi ba wa' ka' koo mʉcàr. Ŋwɛ̀ wɛɛwɛ à ka' ba ŋwɛ̀ mnde', Nyʉ̀ ku ba yi yu ŋwɛ̌ mini. Yi ku ba àmbò a saŋ mbe Ŋwǎ' Nyʉ̀ enɛ̂, “Tɛ bèe a yɛ enɛ wɛ̌ ke làa, ku gee àmbò wɛ̀ làa. Wɛ̌ ke sa' wo mnsa', ku so.”