Popular Bible Verses from Ñwaè' Ruêm 14

Share

Yuu ce yi yu gòr nè bèe ce Nyʉ̀ yu yàp ŋkʉʉ yu ba buu bye ba buu mno ka'. Yuu ce yi yu gòr yu ba ŋgěe yɛɛnì ba cumʉnyaŋ, ker ba rlu'shì ce li lò ese Yʉ' Rara. Ŋwɛ̀ à ka' ce fà' nè Krǎis à njɛ̌ɛ wa'a, banɛ Nyʉ̀ be yu' rbòŋ nè ŋgàŋ, tɛ bèe a vʉse ye.

Sèe à ka' cu btèe, sèe ku ce yu' ba ese Tatâ. Sèe à ka' kwe, banɛ sèe ku ba ba mba yě mmbò. Banɛ kɛ̀ sèe à cu btèe ɛ̀, kɛ̀ sèe à kwe ɛ̀, sèe ku ba ba mbà mmbo Tatâ.

Banɛ sèe gheter ce gee ba buu ce vi be gèe tɛ sèe cu nè cumʉnyaŋ-ŋwɛ̀, kèr gèe tɛ sèe ce kù' àbee.

Banɛ sèe fa kèr sa' visèe mnyor ka'. Yuu ce wèe à ba gèe yi yu enɛ wèe kani enɛ wèe be kè gèe yuu mo' ce àde' yi gee nfʉr yè mò' kote kɛ̀ gwe ka'.

A saŋ mbe Ŋwǎ' Nyʉ̀ enɛ̂, “Tata à làa enɛ̂, ‘Àmbò m yu ntèe na ŋwɛ̀ wɛɛwɛ be kè gʉ'shi njep mɛ̌ tìi. Ŋwɛ̀ wɛɛwɛ be kè làa nè yi cùu enɛ m yu Nyʉ̀.” Banɛ ŋwɛ̀ wɛɛwɛ be kè tɛɛ kùntombì nè Nyʉ̀, suŋ yuu ce e m gèe.

Ŋwɛ̀ ce li rbyemì li ka' ba wɛ̀ni, wèe koo ŋgàŋ a wěe mʉ. Wèe ŋwɛ̀ anà wèe fa sɛr ba mnsɛr àmbò yuu ce e byemi enɛ e ba gèe ka'.

À yu nda, ka' sa' ŋwɛ̀ rfà' ŋwɛ̀ mò'? Ŋwɛ̀ ce àde' e laa enɛ ŋwɛ̀ rfà' à gèe bòŋboŋ kɛ̀ bebep ɛ̀, ku ba yì masà. E be gwè ka' njobè' Tata tʉr ŋger à rgèe ye tɛ e tɛɛ tatap.