Popular Bible Verses from Ñwaè' Maêk 6

Share

Bèe a ce vʉ̀ magòr, ŋgǎa ntuu Jisòs a ke' tʉr njì à rye yuu ka'. Jisòs à laa nè wowèe enɛ̂, “Sèe du à dì' mo' ce bèe a yu ka' tɛ wèe lʉshi mʉcàr.”

Jisòs à laa nè wowèe enɛ̂, “A ke yu'ni nè ŋwɛ̀ ncep ntuu Nyʉ̀ à bdì' wɛɛwɛ, geewa'a bèe efa yě là', ba yì ndap, a ke yu'ni nè ye ka'.”

Jisòs à ka' kù fʉʉ embe keŋ, a yɛ ku' bèe àwǎa rò, a koosimnse nè bèe anà magòr njobè' wowèe a m ba àmbò njèe ce yi buu ŋwɛ̀ rcìŋ wa'a. E kɛ' a ce yɛ'ni wowèe ku' buu.

Àtà e m ba gee mfà' mghagha' fa yě là' ka'. E m ku naa mi mmbo mbendù ŋgǎa byaŋ mʉcàr, wowèe a ke'sè. E m ba nè rgha'nì-ŋwɛ̀ à ryɛ enɛ bèe a byemi ka'. E m nàti, a ce kar à mla' mo', a ce yɛ'ni bèe blǎa Nyʉ̀.

E lor brɛ̌d tâ, ba nca baa cà, a ke' mbe bùu, a yoŋshi Nyʉ̀, a bɛ'shi brɛ̂d, a fa nè ŋgǎa yɛ'ni yì buu enɛ a gapshi nè bèe anà, a ceeshi nca anà foŋ a gapshi nè wowèe. Ŋwɛ̀ wɛɛwɛ à ye, a yu'. Ŋgǎa yɛ'ni yì buu a baashì bbɛbɛ' brɛ̌d ba btete nca, vi ruu à mŋkàa ncòp-baa-à-rrʉ̀ʉ.