Popular Bible Verses from Ñwaè' Luêk 9

Share

E m làa nè wowèe wɛɛwɛ enɛ̂, “Ŋwɛ̀ à ka' ce kòŋ à rvʉ̀ fa mɛ̌ mbùu, banɛ ŋgàŋ kani yì nyor, byɛ' yi kìntaa à mnòŋ wɛɛwɛ, ce vʉ fa mɛ̌ mbùu

njobè' ŋwɛ̀ ce e ka' ce kòŋ à rboŋshi li ryòŋ banɛ ŋgàŋ be bɛ li, ŋwɛ̀ ce e ka' tɛ boŋshi li ryòŋ ka', njo' mɛ̀, banɛ ŋgàŋ be koni li.

Jisòs à laa nè ye enɛ̂, “Ŋwɛ̀ à ka' lor soo kɛ' rfà', ker ce kè' mbenjì, banɛ ŋgàŋ à ghɛɛte à rgèe rfà' ce li kùu kʉʉ Nyʉ̀ ka'.”

Àde' ŋwɛ̀ konì ba njɛ̀ɛ sɛ' kɛ, ce e ka' tʉr buu enjep ŋgòŋ na wɛɛwɛ, lo bɛ li ryòŋ?

Ŋwɛ̀ ce rìtu yi ce koo ye nè mɛ̀, ker ba nè wa blàa, banɛ rìtu yi be koo Muu Ŋwɛ̀ nè ye foŋ, à nfè' ce Muu Ŋwɛ̀ be kè vʉ̀ nè yi fòo-ŋwɛ̀, ba fòo yì Tâ, ker ba fòo bcìndap Nyʉ̌ brara.

Jisòs à laa nè ye enɛ̂, “Bsìi vi tʉr bto, bsiŋ vi tʉr mndap, Muu Ŋwɛ̀ à ke' tʉr dì' ce àde' e lɛ yi tu ka'.”

a laa nè wowèe enɛ̂, “Ŋwɛ̀ ce e ka' koni muu ghàrŋwɛ̀ àmbò ca a mɛ̌ rlii, banɛ ŋgàŋ à koni mɛ̀. Ŋwɛ̀ ce e ka' koni mɛ̀, banɛ ŋgàŋ à koni ŋwɛ̀ ce e m tuu mɛ̀. Yi yu ba enɛ ŋwɛ̀ ce e yu ŋwɛ̌ ŋkɛ' sê a wěe mʉ wɛɛwɛ yu ŋwɛ̌ ŋgòr.”