Popular Bible Verses from MAREKA 2

Share

Jesu ge a di kwa, a fetola a re: Ballangaka ga se ba thabilego, ke balwetši. Ba ke tlilego go ba biletša tshokokogong ga se ba ba lokilego, ke badiradibe.

Jesu ge a bona tumelo ya bona, a re: Ngwanaka, o lebaletšwe dibe tša gago! A era morephaditho yoo.

Le gona Jesu a ba botša a re: Letšatši la Sabatha le diretšwe go hola motho; ga se motho e a diretšwego go hola letšatši la Sabatha.

Ge ba šitwa go batamela ka baka la lešaba la batho, ba rutla hlaka ya ngwako woo, ba phula ba fološa bolao bjoo bo letšego motho yoo wa go repha ditho.

Fela, le tlo lemoga gobane Morwamotho o na le maatla a go lebalela dibe mo lefaseng! Ya ba gona a bolelago le yo a rephilego ditho, a re: Ke ra wena ge ke re: Tsoga! Rwala malao a gago, o ye ngwakong wa gago.

Se se bolelo ke se fe? A ke go botša morephaditho yo wa re: O lebaletšwe dibe tša gago; goba ke go re: Tsoga! Rwala malao a gago o sepele?

Motho yoo a tsoga a rwala malao a gagwe, a tšwa a bonwa ke bohle. Ka moka ba tlabega, ba tumiša Modimo ba re: Tše bjalo ga re ešo ra di bona.