Popular Bible Verses from MAREKA 13

Share

Le tlo ba ba ba hloiwago ke bohle ka baka la leina laka. E a tlo go tiišetša go fihla bofelong, ke yena a tlo go phološwa.

Fahlogang, le phakgame le rapele, gobane lebaka la tšona ga le le tsebe.

Mohla ba yago go le sekiša, le se ke la phoraphora la re: Re yo reng? Le tlo bolela ka mo le tlo go newa ka lona lebaka leo. Gobane ga se lena ba le bolelago; ke Moya o mokgethwa.

Legodimo le lefase di tlo feta; gomme dipolelo tša ka di ka se ke tša feta.

Ge e le letšatši leo le nako ya tšona, ga go e a di tsebago, le Barongwa ba legodimong, le yena Morwa, ga ba di tsebe. Go tseba Tate a mmoši.

E re mohla le kwago dintwa le mekgoši, le se ke la tšhoga. Tšeo ke tše di swanetšego go direga; fela, e tlo ba e se bjona bofelo.

Phakgamang, gobane lebaka la go boa ga Mong wa ngwako ga le le tsebe; goba o tlo tla ka mantšibua, goba mašegogare, goba ge kgogo e lla, goba ka masa. Gore le se tlo tšhoga a tlile a le hwetša le robetše. Gomme tše ke le botšago tšona ke botša bohle, ke re: Phakgamang!

Gobane setšhaba se tlo tsogela setšhaba; mmušo o tlo tsogela mmušo; go tlo ba le ditšišinyego kua le kua, le ditlala, le tše di tšhošago.

Gomme Ebangedi e swanetše go kwatšwa pele ditšabeng ka moka.

Gobane ba bantši ba tlo tla ka leina laka ba re: Ke nna Kriste, mme ba tlo fora ba bantši.

Mme lena le itote; gobane ba tlo le bega dikgorong le diphuthegong, ba le otla, la emišwa pele ga babuši le dikgoši ka baka laka; ya tlo ba bohlatse go bona.

Gobane go tlo tsoga boKriste ba maaka le baporofeta ba maaka; ba tlo tšweletša mehlolo le matete, e le gore ge go kgonega ba fore le bona ba bakgethwa.

E tlo re ge go fetile masetlapelo ao, ke mo go tlo go fifala letšatši, le kgwedi ya tlo lesa go etša. Le dinaledi di tlo wa di etšwa legodimong; le matla a magodimong a tlo šišinyega.