Popular Bible Verses from MATEO 7

Share

Kgopelang, ke mo le tlo go fiwa. Nyakang, ke mo le tlo go bona. Opaopang, ke mo le tlo go bulelwa.

Gobane mang le mang a kgopelago, o a amogela; e a tsomago o a hwetša; e a opaopago o tlo bulelwa.

Mang le mang a kwago tše ke di bolelago tše, mme a di dira, ke mo swantšha ka monna yo bohlale, e a agilego ngwako wa gagwe lwaleng.

Tšohle tše le ratago gore batho ba le direle tšona, le lena le ba direle tšona tšeo; gobane molao o realo, le bona baporofeta.

Gobane kgoro e išago bophelong e pitlagane; le tsela ye e yago gona ke e tshese; mme ba ba e bonago ga ba nene.

Tsenang ka kgoro e pitlaganego; gobane kgoro e išago tahlegong ke petleke, le tsela ye e yago gona e phatlaletše, mme ba ba tsenago ka yona ke ba bantši.

Hleng lena le lego ba babe, le tseba go nea bana ba lena dineo tše botse, Tataweno wa magodimong a ka se le phale ka go ntšha tše di botse, a nea ba mo kgopelago?

Le se ke la ahlola, gore le lena le se tlo ahlolwa. Gobane moahlolelo wo le ahlolago ka wona, le lena le tlo ahlolwa ka wona; le seelo se le elago ka sona, le lena le tlo elelwa ka sona.

Gomme mang le mang e a kwago tše ke di bolelago tše, mme a se di dire, ke mo swantšha ka monna wa setlaela, e a agilego ngwako wa gagwe lešabašabeng.

O reng o bona lehlokwana la mo ihlong la ngwaneno, o sa lemoge kwata ya mo ihlong la gago? Mme o ka bolela bjang le ngwaneno wa re: Anke ke ntšhe lehlokwana mo ihlong la gago, mola leihlong la gago go na le kwata?

Phafogelang baporofeta ba maaka, ba ba tlago go lena ba apere kobo tša nku, mola ka teng ba le diphiri tše di jago batho. Le tlo ba tseba ka dienywa tša bona. Afa dirara di fulwa meetlweng? Goba mago a a fulwa menganeng?

Šidiogee. Sehlare se se botse, e ka ba sefe le sefe, ke sona se enywago dienywa tše di botse. Mme sehlare se se sa tsebalegego se enywa dienywa tše mpe.

Sehlare se botse ga se kgone go enywa dienywa tše mpe; le sehlare se se sa tsebalegego ga se kgone go enywa dienywa tše botse.

Dihlare ka moka tše di sa enywego dienywa tše di botse, di tlo rengwa tša lahlelwa mollong.